‘N OPWINDENDE TOEKOMS | World Challenge

‘N OPWINDENDE TOEKOMS

Nicky Cruz
February 17, 2018

Die wêreld aanvaar nie langer ‘n geloofstelstel ingewortel in tradisie en selfvoldaanheid nie, dit is, “kerk doen” die manier waarop ons dit nog altyd gedoen het. Die volgende geslag sal óf die krag van God sien werk in hulle lewens op werklike, tasbare maniere, óf hulle sal geen nut hê vir ons boodskap en geen belangstelling toon om ons Verlosser te volg nie.

Die dae van afgesaagde denominasies gevul met louwarm gelowiges is verby. Diegene wat nie reeds dood en begrawe is nie, sal binnekort wees. Ek voel jammer dat hulle nooit die blydskap sal beleef van die wêreld bereik vir Jesus en sien wat Hy in en deur hulle sou kon doen as ‘n kerkliggaam, as hulle net sou oopmaak en Hom sou toelaat nie.

Maar ek is nie moedeloos nie, want ek sien die toekoms van die liggaam van Christus, en dit is ‘n opwindende een. God doen ‘n werk vandag in die harte van jongmense wat net so werklik en dinamies is as enige ander herlewing opgeteken in die geskiedenis. Elke dag neem my bediening my in die lewens van middestedelike kinders, die mees onbereikbare siele in ons samelewing in. Hierdie kinders is net so hard en kwaad en verlore as enige ander groep op aarde. Ons boodskap dring egter tot hulle deur. Die mure kom af. Hulle kom tot Christus in groot getalle, en wanneer dit gebeur, is hulle nuutgevonde geloof eg en lewensveranderend.

Talle van hierdie kinders word ons kragtigste en mees effektiewe evangeliste. Die Heilige Gees brand binne-in hulle soos ‘n vuuroond, ‘n siedende heilige vuur in hulle siele, wat net wag om te ontplof oor die wêreld. God laat sy Gees los oor hierdie kinders op manjifieke wyses en hulle keer hul wêrelde onderstebo.

Wat sou gebeur as elke gelowige in sy land daardie soort passie en visie sou kry? Wat as ons God se Gees sou toelaat om sy krag in ons lewens vry te stel soos Hy gedoen het in die lewens van hierdie kinders? As ons dit so sou doen, sou die wêreld nooit weer dieselfde wees nie.

Nicky Cruz, ‘n internasionaal bekende evangelis en produktiewe ouditeur, het hom tot Jesus bekeer van ‘n lewe van geweld en misdaad nadat hy David Wilkerson in New York Stad ontmoet het in 1958. Die storie van sy dramatiese bekering was eers oorvertel in The Cross and the Switchblade deur David Wilkerson en later in sy eie topverkoper boek Run, Baby, Run.

Download PDF