In die dae van die vroeë kerk het die liggaam van die gelowiges gesê: “En toe hulle dit hoor, het hulle eendragtig die stem tot God verhef en gesê: Here, U is die God wat die hemel en die aarde en die see en alles wat daarin is, gemaak het, wat deur die mond van u kneg Dawid gesê het: Waarom het die nasies gewoed en die volke nietige dinge bedink? Die konings van die aarde het saamgestaan en die owerstes het saam vergader teen die Here en teen sy Gesalfde” (Handelinge 4:24-26, AFR53).
Die kerk het destyds nie gepraat oor mense wat net ‘n bietjie ontevrede gevoel het oor die Christelike filosofie en die Christelike wêreldbeskouing nie. Ons begin vandag ‘n soortgelyke beweging na woede en intense antagonisme teenoor die Christelike geloof sien.
Hierdie individue beplan egter tevergeefs. Dit gee ons hoop, is dit nie? Dit is deel van wat die Here in Jesaja sê: “Kyk, Ék het die smid geskape wat die koolvuur aanblaas en ‘n wapen voortbring volgens sy ambag; ook het Ék die verderwer geskape om te verniel. Elke wapen wat teen jou gesmee word, sal niks uitrig nie; en elke tong wat teen jou opstaan in die gereg, sal jy weerlê. Dit is die erfdeel van die knegte van die Here en hulle geregtigheid wat uit My is, spreek die Here” (Jesaja 54:16-17).
Die komplotte van die mens, die ontwrigting, die felheid wat in die laaste dae selfs teen ons kan kom, hierdie komplotte is tevergeefs. Ons vyand smee hierdie martelings in ‘n vuuroond, maar die Bybel sê vir ons dat die duiwel en die mense wat hy dryf tevergeefs beplan; hul wapens sal geen effek hê nie.
Wat gebeur wanneer jy getoets word, wanneer jy beproef word, wanneer die vyand soos ‘n stroom binnekom? As mense of die duiwel teen jou kom, kom hulle eintlik teen die Here self en teen sy gesalfde. God stel ‘n standaard op teen hierdie aanval vir sy eie heerlikheid en as bewys van sy goedheid in die lewens van sy kinders!
Hy het jou gesalf. As jy ‘n volgeling van Jesus Christus is, het jy ‘n salwing gekry. Jy is genade gegee. Jy is krag gegee.