GAAN NA GETSÉMANÉ

Petrus se moedige geloof het hom in staat gestel om op water te loop om tot by Jesus te kom op die see. Maar toe Petrus die golwe rondom hom sien opstaan het, het hy begin sink, en skielik het hierdie vreeslose dissipel paniekerig geword en uitgeroep, “Here, red my!” (Matthéüs 14:30).

Jesus het sy hand uitgesteek en Petrus gegryp en vir hom gesê, “Kleingelowige, waarom het jy getwyfel?” (14:31). Moenie 'n fout maak nie; Christus het nie geglimlag toe Hy hierdie woorde vir Petrus gesê het nie. Hy was diep bedroef oor Sy intieme vriend se ongeloof en het geëis, “Waarom het jy in My getwyfel, Petrus? Is Ek nie die Almagtige Here nie?”

MOENIE WAG VIR 'N KRISIS NIE

Soos Petrus, kan ons jarelank met vrymoedigheid in geloof wandel voor 'n krisis opduik wat veroorsaak dat ons ons oë op ons toestand vestig. Verslegtende omstandighede kan veroorsaak dat paniek ons oorval, en dat ons dink ons gaan sink. God is egter heeltyd binne ons bereik.

Ek het die Heilige Gees gevra om vir my te wys hoe om ongeloof uit my lewe te verwyder en het gebid, “Here, hoe werp ek hierdie berg uit my hart uit? Hoe raak ek ontslae van alles in my siel wat U wonderwerkende krag belemmer?” Hy het vir my gefluister: “As jy gesag oor elke vertwyfeling en vrees wil hê, is daar 'n plek waarheen jy moet gaan.”

DIE PLEK VIR ANTWOORDE

Die antwoord word slegs op een plek gevind: Getsémané.

Getsémané was die tuin waarheen Jesus gegaan het om te bid toe Sy beproewing verpletterend geword het en Sy beker Hom oorweldig het (sien Matthéüs 26:36-46).

• Hy het sy diepste sorge voor die Vader uitgehuil
• Hy het die oorlog teen elke bose owerheid en mag gewen
• Dit is waar alle struikelblokke Sy Woord moet gehoorsaam

Jy sal Hom moontlik by 'n plek van trane moet ontmoet, maar jy sal oorwinning behaal.