Die apostel Paulus het gesê, “Ek het my voorgeneem om niks anders onder julle te weet nie as Jesus Christus, en Hom as gekruisigde (1 Korinthiërs 2:2).
Het jy al daarna gesoek om die stem van Jesus te ken, terwyl jy stil in sy teenwoordigheid sit – en net wag? Het jy Hom gesoek vir dinge wat jy nie uit boeke of by leraars kan kry nie? Die Bybel sê dat alle waarheid in Christus is, en Hy alleen kan dit aan jou oordra deur sy geseënde Heilige Gees.
‘n Vraag kan miskien by jou opkom: “Is dit nie gevaarlik om my gedagtes oop te maak vir ‘n rustige, sagte stem nie? Die vyand kan binnekom en God se stem naboots en my mislei. En is die Heilige Gees nie veronderstel om ons enigste leermeester te wees nie?
Soos die Vader en die Seun, is die Heilige Gees ‘n duidelike, lewende, goddelike persoon in sy eie reg. Die Skrif noem die Heilige Gees die Gees van die Seun: “God [het] die Gees van sy Seun in julle harte uitgestuur, en Hy roep: Abba, Vader!” (Galásiërs 4:6). Hy staanook bekend as die Gees van Christus: “Die Gees van Christus wat in hulle was” (1 Petrus 1:11). “Maar as iemand die Gees van Christus nie het nie, dié behoort nie aan Hom nie” (Romeine 8:9). Die Heilige Gees is die wese van beide die Vader en die Seun en word deur albei gestuur.
Daar is ‘n manier hoe ‘n mens beskerm kan word teen misleiding tydens innige gebed. Ons beskerming wag. Die stem van die vlees is altyd haastig. Dit wil onmiddellike bevrediging hê en daarom het dit geen geduld nie. Dit is altyd gefokus op die self eerder as op die Here en probeer altyd om ons uit God se teenwoordigheid te jaag.
Die stem van die vyand is ook geduldig, maar net tot ‘n sekere punt. Dit kan sag, soet, versekerend en logies wees. Maar as ons dit toets deur bloot te wag – dit wil sê, nie dadelik daarop te handel nie en dit te toets om te sien of dit die Here se stem is – sal dit ongeduldig raak en homself openbaar. Dit sal skielik lelik en veeleisend word, teen ons uitvaar en ons veroordeel.
Dit is waarom die Bybel keer op keer sê: “Wag op die Here – wag op hom – wag.” Dit is tydens ons wag dat hierdie ander stemme openbaar word, of moeg word en weggaan. Ons moet wag, wag, wag, sodat die hemel en die hel weet dat ons nie sal opgee voordat die Here oorneem nie.