FURAHA NA UCHUNGU WA MUNGU

Wafafanuzi wengi humwita Yeremia nabii anayelia, na hiyo ni kweli kwake, lakini mtu huyu pia alituletea ahadi ya furaha zaidi katika Agano la Kale. Kupitia yeye, Mungu aliwapa watu wake uhakikisho huu wa ajabu, “Nitafanya nao agano la milele, kwamba sitageuka na kuacha kuwatendea mema; lakini nitatia hofu yangu mioyoni mwao ili wasiniache” (Yeremia 32:40).

Sasa, hiyo ni habari njema. Unabii unaotolewa na Yeremia umejaa rehema, neema, furaha, amani na wema. Historia ya kibinafsi nyuma ya kila moja ya maneno ya Yeremia hapa, ingawa, inajumuisha kuvunjika zaidi ya uwezo wa mwanadamu yeyote.

Yeremia aliandika, “Ee nafsi yangu, nafsi yangu! Naumia moyoni kabisa! Moyo wangu unapiga kelele ndani yangu; siwezi kunyamaza, kwa kuwa umesikia, Ee nafsi yangu, sauti ya tarumbeta, sauti ya mshindo wa vita.” (Yeremia 4:19) na “Laiti kichwa changu kingekuwa maji, na macho yangu kama chemchemi ya machozi; ili nipate kulia mchana na usiku kwa ajili ya waliouawa binti ya watu wangu! (Yeremia 9:1).

Nabii alikuwa akilia kwa machozi matakatifu ambayo hayakuwa yake mwenyewe. Hakika, alimsikia Mungu akisema juu ya moyo wake uliovunjika. Kwanza, Bwana alionya Yeremia kwamba angepeleka hukumu juu ya Israeli. Kisha akamwambia nabii, “Nitaita kilio na maombolezo kwa ajili ya milima, na kwa ajili ya makao ya nyika” (Yeremia 9:10). Mungu mwenyewe alikuwa akilia hukumu itakayowapata watu wake, na Yeremia alishiriki katika maombolezo hayo.

Ni nini hutokea tunaposhiriki mzigo wa Mungu wa kulia? Bwana anashiriki nasi katika kugeuza akili na mawazo yake. Yeremia alishuhudia jambo hili. Alipewa ujuzi wa utambuzi wa nyakati zake ambao ulimwezesha kuona kile kinachokuja. “Kwa maana Bwana wa majeshi, aliyewapanda, ametamka adhabu juu yako… Sasa Bwana alinijulisha, nami najua; kwa maana ulinionyesha matendo yao” (Yeremia 11:17-18). Mtakatifu yeyote aliyevunjika, aliyejaa Neno atapewa utambuzi wa kutambua nyakati lakini pia utambuzi wa furaha wa ahadi za Mungu.

Watu wa thamani wa Mungu wana bahati ya kushiriki katika hisia, furaha na maumivu ya moyo wa milele wa Mungu.