UTULIZAJI WA KRISTO DHIDI YA TUHUMA ZA SHETANI

"Kristo alikuja kama Kuhani Mkuu wa mambo mema yatakayokuwapo, na ile hema kubwa zaidi na kamilifu zaidi isiyotengenezwa kwa mikono, maana yake isio ya uumbaji huu" (Waebrania 9:11).

Kama kuhani mkuu alipopanda ngazi kwenda mahali patakatifu pa Siku ya Upatanisho, Kuhani wetu Mkuu Yesu alipanda ndani ya hema la mbinguni. Kwa kweli, Yohana anafafanua kumuona Yesu katika vazi lake la kikuhani: "Amevaa vazi lililofika miguuni miguuni, na kufungwa mshipi wa dhahabu" (Ufunuo 1:13).

Yesu alipanda katika utukufu kama Kuhani wetu Mkuu ili kutuombea. Yeye anafurahia utukufu anayostahili lakini pia anafanya kazi kwa niaba yetu. Mtunga-zaburi anasema katika Zaburi ya 68: "Wewe umepaa juu, umeteka mateka; umepea vipawa kati ya wanadamu… Na ahimidiwe Bwana, ambaye kila siku hutuchukulia mzigo wetu, Mungu ndiye wokovu wetu!” (Zaburi 68:18-19). Anasema, "Mwokozi wetu ametupa kila zawadi na faida tunayohitaji ili tuishi kwa uhuru!"

Mwandishi wa Waebrania anatukumbusha kwamba kazi ya Yesu mbinguni ni yetu sisi: "Kwa maana Kristo hakuingia katika patakatifu palipotengenezwa kwa mikono, ndio mfano wa patakatifu halisi; bali aliingia mbinguni hasa, aonekane sasa usoni pa Mungu kwa ajili yetu” (Waebrania 9:24). "Maana yu hai sikuzote ili kwakuomba kwa ajili [yetu]" (7:25). Kristo hufanya yote kwa ajili ya sisi, watoto wake.

Je! Hii inamaanisha nini hasa, "Anaishi kutuombea"? Wengine wanaweza kufikiria Yesu amesimama mbele ya Baba akimsihi atuonee huruma tunaposhindwa. Lakini maombezi ya Kristo kwetu yanahusiana na madai ya Shetani dhidi yetu. Unaona, ibilisi anakuja kwenye kiti cha enzi cha Mungu kutushutumu kwa kila kosa na makosa, na kudai "haki." Lakini Yesu anaingia mara moja, akimtaka Shetani aachilie mikono yake kutoka kwetu.

Yesu anatuombea ndani ya mioyoni yetu, na kutupatanisha na Baba. Anatukumbusha kuwa tumesamehewa na tunaweza kuamini uaminifu wa Mungu kutupatia uwezo na nguvu zote tunazohitaji.

Kwa sababu ya maombezi ya Kristo, unaweza kusema, "Ninaweza kuwa na vita katika mwili, lakini najua alichonifanyia Yesu. Dhambi haiwezi kunishikilia tena kwa sababu yeye ni Kuhani wangu Mkuu."