Die Beproewing van Ons Geloof
Die boek Génesis, in die 22ste hoofstuk het 'n baie interessante begin waaroor ons dikwels vlugtig lees. Dit begin met “Ná hierdie dinge het God Abraham op die proef gestel …” (Génesis 22:1, AFR53).
Ná watter dinge? Die antwoord is die vorige beproewing waardeur Abraham reeds gegaan het. Daar is ‘n paar wonderlike antieke literatuurstukke geskryf deur rabbi's wat 'n kommentaar lewer op Génesis wat die Misjna genoem word, en die Misjna praat van die 12 beproewings van Abraham. Hierdie rabbi's het die Skrif deurgegaan en gevind dat Abraham by 12 verskillende geleenthede ernstig deur die Here beproef is.
Die eerste beproewing was toe hy in sy vaderland was. God het gesê: "Ek wil hê jy moet opstaan, jou besittings neem en na 'n nuwe land gaan wat Ek jou sal wys." Dit is 'n beproewing! Om alles te verlaat wat jy ken, om alles te verlaat waarmee jy gemaklik is en na 'n ander land te trek. Sou hy God vertrou? Hy het en hy het na hierdie nuwe land getrek wat God aan hom gewys het. Hy het daar ingestap en waarskynlik gesê: “God het gesê kom hierheen! Hier is ek, Here; seën my nou!”
Dadelik het beproewing nommer twee gekom. Die Bybel sê daar was 'n ernstige hongersnood in die land. Daarom het hy na Egipte gegaan, en in Egipte, het hy miskien gedink dat hy van hierdie beproewing af weggekom het; maar in plaas daarvan, het die farao van Egipte Abraham se vrou gesien, en hy wou haar vir homself neem. Die beproewings het net aanhou kom met geen oënskynlike verligting nie.
Almal van ons word beproef. Was jy al ooit in Abraham se situasie waar jy 'n beproewing binne 'n beproewing gehad het? Het jy Satan al ooit in die middel van 'n beproewing bestraf? “Ek weerstaan jou, Satan; gaan weg agter my!” Dan besef jy dat die persoon na wie jy wys God is?
Die Bybel sê nie die duiwel Abraham beproef nie. Dit sê nie sy vlees het hom beproef nie. Al daardie dinge gebeur wel, maar daar is 'n verskil. 'n Versoeking is van Satan af; 'n beproewing is van God af. Satan versoek ons om te twyfel. Hy versoek ons om moed op te gee. Hy versoek ons om God te beskuldig dat Hy nie goed is nie. Daar is 'n verskil tussen 'n beproewing en 'n versoeking.
Die Bybel sê: “Want God kan deur die kwaad nie versoek word nie, en self versoek Hy niemand nie” (Jakobus 1:13). ’n Versoeking bring ons nader aan sonde, as ons nie daarteen stry nie; 'n beproewing bring ons nader aan God, as ons nie daarteen stry nie. Ek is bly God versoek ons nie, en hy beproef ons nooit bo ons vermoë om te verdra nie.
