God Louter Ons Soos Goud
Ek en Gwen het onlangs met 'n godvresende vrou gepraat wat die einde van haar uithouvermoë bereik het. Hierdie vrou se familie het ongelooflike lyding beleef. Sy het eindelose ure deurgebring om te bid en die Here aan te roep.
Maand na maand het dinge nie verander nie. Net toe sy 'n straaltjie hoop sien, het dinge nog erger geword. Sy hoor 'n boodskap of lees iets wat haar geloof inspireer, en sy probeer om aan te gaan; maar nou is sy gedaan. Sy kan skaars slaap. Sy moeg om te vra hoekom daar soveel lyding is. Nou hoop sy bloot om 'n lig aan die einde van haar donker tonnel te sien.
Sy het vir ons gesê: “Ek het by die plek gekom waar ek voel ek het die reg om op te gee. Ek het geglo; Ek het Hom gesoek; Ek was getrou in die kerk en het sy Woord gelees. Ek sien egter geen uitkoms nie. Ek voel alleen en hulpeloos. Nou moet ek teen hierdie gedagte baklei: 'Ek het die reg om te voel soos ek voel, want ek sien geen einde aan my lyding nie.’”
Ons bid pligsgetrou vir haar en haar gesin. Ons glo sy sal nie flou word in die stryd nie en dat die Here vir haar hulp sal stuur, maar wat sy in haar wanhoop gesê het, raak werklik iets diep in my siel aan. Baie godvresende gelowiges het by dieselfde plek van hopeloosheid uitgekom. In hartseer ween hulle ook: “Ek het die reg om die stryd gewonne te gee. Ek het die reg om kwaad te wees. Wanneer sal Hy my verhoor? Het die Here by my verbygegaan?”
In Job se wanhoop het hy gesê: “Hy werp my aan alle kante omver, en – daar gaan ek! En Hy het my verwagting uitgeruk soos ‘n boom. Ook het Hy...my beskou as een van sy vyande” (Job 19:10-11, AFR53). Klink iets hiervan vir jou bekend? Is dit jou stryd? Is dit die stryd van iemand wat jy ken? Geliefde, God is genadig. Job het uit sy beproewing by 'n plek van hoop uitgekom en jy sal ook.
Mag hierdie godvresende man se woorde ons eie wees: “Kyk, ek gaan na die ooste, en Hy is nie daar nie; en na die weste, maar ek bemerk Hom nie. As Hy in die noorde werk, aanskou ek Hom nie; Want Hy weet hoe my wandel is; as Hy my toets, sal ek soos goud te voorskyn kom” (Job 23:8-10).
