Soos ‘n Moeder Haar Kind Liefhet
Die Vader het jou lief; dit is op hierdie punt dat menigtes gelowiges God faal. Hulle is bereid om oor en oor oortuig te word van sonde en mislukking, maar hulle sal nie toelaat dat die Heilige Gees hulle oorstroom met die liefde van die Vader nie.
Die wettis leef graag onder oortuiging van sonde. Hy het nog nooit die liefde van God verstaan nie of die Heilige Gees toegelaat om daardie liefde aan sy siel te bedien nie.
Jesaja het geskryf aan 'n koppige volk van God en volgens hom "het hulle afkerig voortgegaan op hulle eie weg" (Jesaja 57:17). Ten spyte hiervan, beskryf Jesaja God en sê: “Soos iemand wat deur sy moeder getroos word, so sal Ek julle troos; en julle sal in Jerusalem getroos word” (Jesaja 66:13, AFR53).
Die profeet Jesaja het een van die edelste moontlike beelde onder mense geneem, die van 'n moeder se liefde vir haar kind en dit wys ons iets van die liefde wat ons Vader vir ons het. Een moeder in ons gemeente neem 'n hele dag om haar seun in 'n gevangenis te besoek. Sy klim in die bus en ry ure lank net om hom 'n kort rukkie te sien. So 'n moeder sal na haar seun in daardie vaal uniform kyk en die pyn in sy oë sien, terwyl sy tydens elke reis 'n bietjie meer van binne sterf, maar sy verloor nooit moed op hom nie. Hy is steeds haar seun.
Ek het geleer dat die regverdige persoon, die ware liefhebber van Jesus, teregwysing liefhet. Hy leer om dit verwelkom dat die Heilige Gees sy verborge areas van sonde en ongeloof openbaar, want hoe meer hy met sonde afreken, hoe gelukkiger en vryer word hy. Die houding wat ek egter by baie Christene sien, is: “Hou aan om my te veroordeel, Here. Oortuig my van sonde, bestraf my! ” Dit is nie dieselfde as ware oortuiging van sonde nie.
Ek sien dit byvoorbeeld in baie reaksies op my nuusbriefboodskappe. As ek 'n boodskap skryf vol veroordeling, kry ek oorweldigende goedkeurende reaksies. As ek vertel van die soetheid en liefde van Jesus, ontvang ek briewe waarin gesê word: “Jy verkondig nie meer die waarheid nie.” Dit is asof hierdie mense sê: "As jy nie teregwys nie, kan dit wat jy sê nie die evangelie wees nie." Sulke gelowiges het nog glad nie del geword van die groot liefdesending van die Heilige Gees nie.
Dit is 'n gebied waar jy moet leer om in die Gees te wandel en nie deur gevoelens nie.
