DIE BELONING IS DIE SWAARKRY WERD
Daar is ‘n groot koste om volkome uitverkoop te wees aan God maar daar is ook ‘n groot beloning. Wanneer jy louwarm is, en ‘n gedaante van godsaligheid het maar sonder krag – nie té sondig en ook nie té heilig nie – word jy aanvaar en is jou lewe relatief stil. Jy is vir iemand ‘n probleem nie, nie eens vir die duiwel nie.
Wanneer jy begin smag na God en in sy Woord begin delf, kan mense dit gewoonlik nie verstaan nie. Jou aptyt vir wêreldse dinge begin te kwyn en jy betree ‘n nuwe koninkryk van onderskeiding. Jy is gebroke en verslae in gees, en jy het ‘n nuwe las vir die kerk. Jy verwag jou vriende om saam met jou te juig, maar in plaas daarvan, begin hulle om jou ‘n fanatikus te noem.
Moses was wonderbaarlik aangeraak deur God se hand en was bewus gemaak van die slawerny van God se kinders. Hy was so opgewonde oor die groot openbaring van verlossing wat hy ontvang het, dat hy uitgehardloop het om dit met sy broers te deel: “Dit [het] in sy hart opgekom om sy broers, die kinders van Israel, te besoek ... En hy het gedink dat sy broers sou verstaan dat God hulle deur sy hand redding sou gee; maar hulle het dit nie verstaan nie” (Handelinge 7:23-25).
Moses was die sagmoedigste mens op die aarde; hy was verteer met God, nie op ‘n skynheilige manier nie, maar op ‘n nederige, profetiese manier. Hy wou hê sy broers moes sien en hoor wat God op die punt was om te doen, maar in plaas van juig saam met hom, het hulle hom verwerp en gesê, “Wie dink jy is jy? Wie het jou heerser oor ons gemaak?” Eendag sou hulle verstaan – maar nie tóé nie.
Net so, wanneer jy insigte in God se Woord deel of probeer om waarhede wat jy ontdek te verduidelik, mag jy dalk hoor, “Is jy seker jy gaan nie ‘n bietjie oorboord nie? Dit is ‘n bietjie moeilik vir my.” En eerlikwaar, jy mag dalk vriende verloor of selfs familielede sal hulleself van jou distansieer.
Die grootste beloning van ál die pad met Jesus stap, maak al die misverstande wat dalk na jou toe mag kom die moeite werd. Daardie beloning is dat Christus altyd by jou staan! Daar is ander belonings, maar sy voortdurende teenwoordigheid is al wat ons ooit sal nodig hê.