Die duiwel weet wat in God se Woord geskryf staan en hy is vasbeslote om die groot oes wat hy weet aan die kom is, te verhoed. Hy het ‘n woeste aanval op die kerk van stapel gestuur en gebruik elke wapen wat hy kan, om die vrede van God se mense af weg te neem.
Die somberheid en vrees wat oor elke nasie hang, laat mense hulpeloos voel. In Amerika maak howe wette wat hulle in verderflikhede verlustig, teen die wil van die mense. Die gevolg is dat hopeloosheid en spanning die gees verswak en selfs fisieke siekte veroorsaak.
AFGRADERING VAN SONDE
In God se huis word sonde afgegradeer en die hel weggegooi. Hele denominasies skeur oor homoseksuele huwelike. In die tussentyd, gebruik evangeliese kerke – wat veronderstel is om die fakkeldraers van God se Woord te wees – hulle energie in bewegings wat nie Christus-gesentreerd is nie.
Die Israeliete in Haggai se tyd was moedeloos oor die nuwe tempel wat hulle gebou het. Hulle werk het so nietig gelyk in vergelyking met die grootsheid van die vorige tempel. Terwyl hulle teruggedink het aan al God se voormalige glories, het hulle van wanhoop gehuil oor die beskeie huis voor hulle. Haggai het vir die mense gevra, “Wie is onder julle nog oor wat hierdie huis in sy vroeëre heerlikheid gesien het? En hoedanig sien julle dit nou? Lyk dit nie net soos niks in julle oë nie?” (Haggai 2:3).
MOENIE VERGELYK NIE
Geliefde, dieselfde vraag kan vandag gevra word. Jy mag groot herlewings van die verlede onthou, waar die Gees kragtig uitgestort is en menigtes gered was. Sê vir my, sien jy die lewe van die kerk vandag as nietig in vergelyking met daardie vorige tye?
Ek sê vir jou, die woord wat God vir Haggai gegee het vir sy kerk, is bedoel vir ons vandag: “My Gees sal in julle midde bestendig bly...Die toekomstige heerlikheid van hierdie huis sal groter wees as die vroeëre, sê die HERE van die leërskare; en op hierdie plek sal Ek vrede gee” (Haggai 2:5,9).