JY IS NIE VERGETE NIE

Soveel nood. Soveel verdrukking. Soveel hartseer word veroorsaak deur siektes, kwale en rampe. Soveel gelowiges wat ly. Soveel mense wat finansiële krisisse beleef.

Die Bybel sê vir ons, “Menigvuldig is die teëspoede van die regverdige” (Psalm 34:20). Die tweede deel van hierdie vers verander die betekenis heeltemal: “Maar uit dié almal red die HERE hom.”

Dawid het uitgeroep, “o HERE, dink aan Dawid, aan al sy moeite” (Psalm 132:1). Hierdie goddelike man het talle probleme beleef. Sy gebed was, “Here, U het baie ander uit hulle verdrukking verlos. Moenie van my vergeet nie.”

Die apostel Paulus het ook talle verdrukkinge beleef. Hy het geskryf: “Behalwe dat die Heilige Gees in elke stad kragtig getuig en sê dat boeie en verdrukkinge op my wag” (Handelinge 20:23). Paulus het bygevoeg, “Sodat niemand verontrus sal word onder hierdie verdrukkinge nie” (1 Thessalonicense 3:3). Hy het in wese gesê, “Dierbare heiliges, moenie bevraagteken waarom ek so baie verdrukkings moet beleef nie. Hierdie dinge veroorsaak nie dat ek God bevraagteken nie.”

“Maar in alles beveel ons ons aan as dienaars van God, met baie geduld, in verdrukkinge, in node, in benoudhede” (2 Korinthiërs 6:4). Let op Paulus se beklemtoning hier: “met baie geduld.” Het jy al ooit jou geduld verloor in jou verdrukking? Het jy al so moedeloos geword dat jy op die punt gekom het om jou geloof te laat vaar?

Neem besit van die Skrif en laat geloof in jou hart opkom. God het jou nie vergeet nie!