OM ‘N VOLGELING VAN CHRISTUS TE WEES

Wanneer ons oë deur Jesus oopgemaak word — wanneer ons mense sien soos wat Hy hulle sien – kan ons nie langer stilsit terwyl lydende siele rondom ons doelloos deur die lewe ronddwaal nie. Deernis vir die verlorenes kan nie saam met selvoldaanheid bestaan nie. Apatie is nie langer ‘n opsie nie.

“Hierin is die kinders van God en die kinders van die duiwel openbaar,” sê die apostel Johannes, “elkeen wat die geregtigheid nie doen nie, is nie uit God nie, en hy ook wat sy broeder nie liefhet nie” (1 Johannes 3:10). Kan God se Woord duideliker wees as dit? Daar is ‘n lakmoestoets om te sien of ons ware volgelinge van Jesus is, om te kyk of ons regtig sy kinders is, en dit hang af van die mate van ons deernis teenoor ander.

Johannes skryf verder, “Maar wie die goed van die wêreld het en sy broeder sien gebrek ly en sy hart vir hom toesluit, hoe bly die liefde van God in hom? My kinders, laat ons nie liefhê met woorde of met die tong nie, maar met die daad en in waarheid. En hieraan weet ons dat ons uit die waarheid is; en ons sal ons harte voor Hom gerusstel, want as ons hart ons veroordeel, God is meer as ons hart en Hy weet alles” (1 Johannes 3:17-20).

Wanneer die Heilige Gees ons harte en lewens binnekom en ons vul met die liefde en deernis van Jesus, sien ons mense duidelik. Ons oë skyn met die blydskap van die Here, en ons kan nie langer verby die uitgeworpene – die arme, die verslaafde, die alkoholis, die bendeleier, die sondaar - van ons dag loop sonder om hom raak te sien of sy pyn te voel nie. Ons neem dit op onsself om hom te help om sy waardigheid voor God te herstel. Ons omhels hom, huil saam met hom, en lei hom tot in die genesende arms van Jesus in. Dit is wat ‘n volgeling van Christus behels.

Nicky Cruz, ‘n internasionaal bekende evangelis en produktiewe ouditeur, het hom tot Jesus bekeer van ‘n lewe van geweld en misdaad nadat hy David Wilkerson in New York Stad ontmoet het in 1958. Die storie van sy dramatiese bekering was eers oorvertel in The Cross and the Switchblade deur David Wilkerson en later in sy eie topverkoper boek Run, Baby, Run.