ONS SEKURITEIT AS GOD SE KINDERS

Jesus noem die Heilige Gees “die Trooster.” “Maar die Trooster, die Heilige Gees, wat die Vader in my Naam sal stuur, Hy sal julle alles leer en sal julle herinner aan alles wat ek vir hulle gesê het” (Johannes 14:26, my beklemtoning). Dit is een ding om die Heilige Gees as jou Trooster te ken, maar ons moet ook weet hoe Hy ons troos, sodat ons kan onderskei watter troos van die vlees en watter van die Gees is.

Die Heilige Gees se manier van troos word duidelik in die Skrif beskryf. Dit maak nie saak wat die probleem, beproewing, of behoefte is nie, sy bediening van troos gebeur deur waarheid te bring: “Hy sal julle ‘n ander Trooster gee...die Gees van die waarheid” (Johannes 14:16-17).

Trouens, ons troos spruit uit wat ons weet, nie uit hoe ons voel nie. Slegs die waarheid oorwin gevoelens, en die bediening van troos van die Heilige Gees begin met hierdie fundamentele waarheid: God is nie kwaad vir jou nie. Hy het jou lief! “En die hoop beskaam nie, omdat die liefde van God in ons harte uitgestort is deur die Heilige Gees wat aan ons gegee is” (Romeine 5:5). Die Griekse betekenis hier is selfs sterker as wat die vertaling wil suggereer. Dit sê dat die liefde van God “uitgestort” word in ons harte deur die Heilige Gees.

Die vyand mag selfs inkom soos vloedstroom, en vrees, skuldgevoelens of spanning bring, maar ons kan dadelik hierdie gebed roep: “Heilige Gees, bedien my, leer my, en herinner my aan Jesus se beloftes oor my versekering as ‘n kind van God.”

“Geen versoeking het julle aangegryp behalwe ’n menslike nie; maar God is getrou, wat nie sal toelaat dat julle bo julle kragte versoek word nie; maar Hy sal saam met die versoeking ook die uitkoms gee, sodat julle dit sal kan verdra” (1 Korinthiërs 10:13). Paulus sê dat jy dieselfde stryd voer as wat deur goddelike heiliges beleef word oral deur die wêreld heen. Jou beproewing is nie iets snaaks of eie aan jou nie. Dit maak nie saak waardeur jy gaan nie, die Heilge Gees kom met waarheid wat troos bring.