“Daarom moet julle jul nie kwel en sê: Wat sal ons eet, of wat sal ons drink, of wat sal ons aantrek nie? Want na al hierdie dinge soek die heidene” (Matthéüs 6:31-32).
Jesus sê vir ons dat bekommernis – oor die toekoms van ons gesin, oor werk, oor hoe ons gaan oorleef – ‘n heidense lewenswyse is. Jesus praat hier van diegene wat geen hemelse Vader het nie. Hulle ken God nie soos Hy bekend wil staan as ‘n versorgende, voorsienende, liefdevolle Vader in die hemel nie.
“Kwel julle dus nie oor môre nie” (vers 34). In hierdie duidelike woorde beveel Jesus ons: “Moenie peins nie, moenie bekommerd wees oor wat more kan of nie kan gebeur nie. Jy kan niks verander nie. En jy kan nie help deur bekommerd te wees nie. As jy dit doen, maak jy net soos die heidene.” Toe sê Jesus: “Maar soek eers die koninkryk van God en sy geregtigheid, en al hierdie dinge sal vir julle bygevoeg word” (vers 33). Met ander woorde, jy moet aanhou om Jesus lief te hê. Jy moet vorentoe gaan en al jou sorge op Hom werp. Jy moet in sy getrouheid bly rus. Jou hemelse Vader sal toesien dat jy van al die nodige dinge in die lewe voorsien sal word.
Ek wonder of die engele verbaas is oor al die kommer en angs van diegene wat beweer dat hulle op God vertrou. Vir hulle moet dit so neerhalend, so beledigend teenoor die Here lyk omdat ons so bekommerd is asof ons geen sorgsame Vader in die hemel het nie. Watter verwarrende vrae moes die engele onder mekaar gevra het: “Het hulle geen Vader wat in die hemel is nie? Glo hulle nie dat Hy hulle liefhet nie? Het Hy nie vir hulle gesê dat Hy alles van hul behoeftes weet nie? Glo hulle nie dat Hy wat die voëls en die hele diereryk voed, hulle sal voed en klee nie? Hoe kan hulle bekommerd wees as hulle weet dat Hy alle mag, alle rykdom besit en in die behoeftes van die hele skepping kan voorsien? Sou hulle hul hemelse Vader van verwaarlosing beskuldig, asof Hy nie sy aan woord getrou is nie?”
Jy het ‘n hemelse Vader. Vertrou hom!