Somtyds behandel ons ander in werklikheid sleg. Ons skei onsself af van ‘n broer of suster; ons kwets en maak iemand seer; ons kan maklik van ander ‘n wanvoorstelling maak. En ons dink dit is “net tussen my en God.” Daarom het ons berou en bely ons dit voor die Here, waarna ons voortgaan met die veronderstelling dat alles reg is. Ons dink egter nie hoe ons in hierdie proses nie net ‘n broer seergemaak het nie, maar dat ons ook die Here seergemaak het. Trouens, ons het dit aan die hele Liggaam van Christus gedoen, want as een seerkry, kry almal seer.

Huidiglik het die wêreld ‘n lewende voorbeeld nodig van die barmhartigheid van Christus. Spanning was nog nooit erger nie. In Europa en die Verenigde State, versprei rassespanning dwarsdeur die samelewing, selfs in kerke.

Stel jou voor Saulus se angs toe Christus hom naby Damaskus gekonfronteer het met ‘n pynlike werklikheid. Die Here het vir Saulus gesê, “Ek is Jesus. En jy vervolg My” (sien Handeling 9:4-5). Saulus het gedink hy het bloot teenoor individue opgetree en God se werk gedoen deur Joodse ketters uit te wis.

Die barmhartigheid van God het wonderlike krag om te verlos. Sy barmhartigheid breek die kettings van alle verslawings en bring menigtes van die koninkryk van Satan oor na die Koninkryk van Christus.

Daar was ‘n tyd, met miljoene dwarsdeur die wêreld bedwelmd, dat Satan gedink het hy het oorwin. Trouens, die boodskap het dwarsdeur die wêreld versprei, dat as die duiwel jou verslaaf het, is jy hopeloos verslaaf vir altyd.

Maar in elke geslag, het God sy Heilige Gees na die strate en stegies gestuur.

Dikwels wanneer God vir Christene sê dat Hy groot planne vir hulle het, reageer hulle, “O, ek weet nie, Here.” Maar wanneer Satan na hulle kom en sê. “Ek gaan jou vernietig,” dan dink hulle, “Ja, dit kan waar wees.”

WIE GLO JY?

Ons glo die leuens van die vyand amper meer as wat ons die waarhede van God glo. Maar ons moet by die plek kom waar ons kan sê, “Nee, God het ‘n roeping op my lewe en ‘n hoër plan. Ek gaan sterk, standvastig en onwrikbaar staan – deur die genade van God. Deur Sy krag wat magtiglik in my werk, net soos Paulus sê” (sien Kolossense 1:29).

Jesus het gekies om 'n Kind van die vallei te wees. Voor Hy aarde toe gekom het, het Hy in groter heerlikheid geleef as wat ons kan dink. Die Seun van die Koning van die heelal. Hy het aan die regterhand van God gesit. Hy is God. En tog het Hy gekies om van Sy troon afstand te doen en die wêreld van die vallei te betree. Hy het gekies om tussen die wanhopiges en verlorenes van die skepping te woon. Hy het Homself verneder, Homself verloën en Homself ontledig om ons ontwil. En Hy het in skande na die kruis gegaan om 'n brug te bou tussen die vallei en die bergtop.

Ek stel my voor die ywerige Fariseër Saulus aan die begin van die buitengewone dag toe barmhartigheid oor hom geskyn het. Hy het gevra om die hoëpriester te woord te staan:

“Die jongman wat die volgelinge van Jesus vervolg, wil toestemming hê om sy kruistog na Damaskus te neem. Hy belowe plegtig om hulle almal gevange te neem. Hy dink werklik hy sal in staat wees om hierdie ‘Jesus vuur’ te blus.”

Die eerste koste van barmhartigheid vir Jesus was Sy hemelse posisie. Barmhartigheid het Hom gedring om aarde toe te kom om mens te word en uiteindelik, het die barmhartigheid wat Hy aan die wêreld gebied het Hom Sy lewe gekos. Jesus se voorbeeld van barmhartigheid is 'n model vir almal wat Hom sou volg. Hy sê wesenlik vir ons, “Laat My lewe vir jou die koste van barmhartigheid aantoon — algehele verwerping deur hierdie wêreld.”

Die apostel Paulus het dieselfde hoë prys betaal om God se barmhartigheid uit te leef as wat Jesus op aarde betaal het en waaroor Hy ons gewaarsku het:

Selfs in jou sondige slawerny, het jou hart se uitroep Jesus bereik en sy teer barmhartigheid het jou tegemoet gekom. Hy het jou oë oopgemaak, jou verander en jou met Sy Heilige Gees gevul.  Hy het jou 'n werktuig van eer gemaak om Sy evangelie te verkondig.

“Maar julle moet julle vyande liefhê en goed doen en leen sonder om iets terug te verwag, en julle loon sal groot wees; en julle sal kinders van die Allerhoogste wees; want Hy is self goedertieren oor die ondankbares en slegtes. Wees dan barmhartig, soos julle Vader ook barmhartig is” (Lukas  6:35-36, my klem).