God sal ‘n eenvoudige bekeringsgebed, ‘n eenvoudige gebed vir beskerming, ‘n eenvoudige gebed vir genesing neem en Hy sal krag daarby voeg. Hy sal doen, ver bokant dit waarvoor ek vra of selfs aan kan dink. Jy hoef nie die vermoë te hê nie, maar die Heilige Gees in jou het. Al hierdie druk is nie op jou nie. God sê in wese: “Ek het my hand hierop. Ek gaan dit verder neem as wat jy al ooit gegaan het.”
Jare gelede, het God dit op my hart gelê om 'n seunstehuis op Long Island te begin. Ek het regtig ervaar dat die Here agter hierdie werk was. Na net agtien maande, het regeringsamptenare sulke streng regulasies op die huis ingestel dat ons nie anders kon as om die deure sluit nie.
“Toe stuur die koning van Assirië ... rábsake...met ‘n swaar leër na koning Hiskia na Jerusalem toe” (2 Konings 18:17, AFR53). Die Assiriërs verteenwoordig vandag se “handleidings na voorspoed.” Die duiwel sal sy leër rondom jou mure paradeer, mense wat magtig, pragtig en skynbaar suksesvol is in alles wat hulle onderneem. Wanneer jy hulle sien, sal jy ingeperk voel soos ‘n gevangene.
Ons moet gereed wees vir wat kom. Ons moet gereed wees om ons dae in geestelike oorlogvoering deur te bring met die wete dat ‘n vloedstroom van ongeregtigheid gemik is teen die kinders van God. “En Henog, die sewende van Adam af, het ook teen hulle geprofeteer en gesê: Kyk, die Here het gekom met sy heilige tienduisendtalle” (Judas 1:14, AFR53). Die Skrif sê dat ons konings en priesters is vir die Here, en ons verteenwoordig hierdie tienduisendtalle wat uitgaan om teen Satan se leër te stry. Satan veg teen ons omdat hy ons kwaai haat (sien Openbaring 12:17).
“Want wie van julle wat ‘n toring wil bou, gaan nie eers sit en die koste bereken, of hy die middele het om dit uit te voer nie? — sodat as jy die fondament gelê het en nie in staat is om dit te voltooi nie, almal wat dit sien, nie miskien met hom sal begin spot en sê: Hierdie man het begin bou en kon nie klaarkry nie” (Lukas 14:28-30, AFR53).
In die boek 1 Korinthiërs, reageer Paulus op 'n brief wat hy ontvang het van 'n Korinthiese Christelike gesin wat probleme in die kerk aangemeld het.
'n Deel van sy brief sê: “Sommige, nog altyd bewus van die afgod, eet dit as ‘n afgodsoffer, en hulle gewete, was swak is, word besoedel. Maar die voedsel bring ons nie nader by God nie; want as ons eet, het ons nie oorvloed nie, en as ons nie eet nie, ly ons geen gebrek nie. Maar pas op dat hierdie vryheid van julle nie miskien ‘n struikelblok word vir die wat swak is nie” (1 Korinthiërs 8:7-9, AFR53).
Miskien beleef jy verraad, vervolging, teistering in jou gemoed, moeilikheid met jou kinders, die verlies van iemand na aan jou hart of een of ander ervaring wat jou met amper onuitspreeklike lyding gelaat het. Dit dryf jou na gebed waar jy vra: “Here, is dit werklik nodig? Kan U dit nie binne ‘n oomblik wegneem nie? Waarom die stryd? Waarom die drif?”
Jesus het vir sy dissipels gesê: “En Ek beskik vir julle ‘n koninkryk soos my Vader dit vir My beskik het, sodat julle kan eet en drink aan my tafel in my koninkryk en op trone sit om die twaalf stamme van Israel te oordeel” (Lukas 22:29-30, AFR53). Die Here het vir sy volgelinge ‘n tafel gedek in die hemele. Wat ‘n opwindende vooruitsig!
Laat my jou vertel hoe en waar Paulus sy sendbriewe geskryf het. Hy het dit in donker tronkselle geskryf. Hy het dit geskryf nadat hy geslaan was of nóg ‘n skipbreuk gely het. Hy was intiem bekend met swaarkry en lyding.
Om te volhard, beteken “om deur te druk ten spyte van swaarkry; om geduldig te ly sonder om op te gee.” Kortliks, dit beteken om aan te hou of uit te hou, maar hierdie woord beteken min vir die huidige geslag. Baie Christene van vandag is moedverloorders. Hulle verloor moed met hulle eggenotes, hulle families en hulle God.