God se seën volg jou! Dit is nie net ‘n frase om jou te bemoedig nie, dit is ‘n feit gebaseer op verskeie gedeeltes van die Skrif. Baie min mense in die kerk lewe asof dit waar is. Jy mag dalk huweliksprobleme hê en wonder of die spanning met jou huweliksmaat ooit sal verander. Of jy mag dalk aan depressie lei en wonder of dit ooit sal verdwyn sodat jy die seën van God weer sal ervaar. Miskien het jy ‘n verlore kind en jy wonder of hy ooit tot bekering sal kom.

Dit is belangrik dat ons Satan en sy weë probeer begryp terwyl ons die Here se leiding volg. Ons moet weet hoe die vyand probeer om God se werk onder ons te stuit.

Die Here versoek, begin wanneer God toelaat dat ‘n krisis in ons lewens erger word. Waarom doen Hy dit? Wat soek Hy? Ons Here laat toe dat dit gebeur sodat Hy die laaste wortels van ons ongeloof kan bykom! Sy Gees gaan in elke kamer van ons harte in, soek die mees veroordelende dinge – hoogmoed, selfgenoegsaamheid en alle ander dinge wat sy volheid in ons verhinder.

Dwarsdeur die geskiedenis het mense geglo hulle kon enige ramspoed goed genoeg hanteer sonder geloof in God. Die profeet Jesaja het geskryf dat sulke spotters spog, “As die golwende gésel deurtrek, sal hy na ons nie kom nie...” (Jesaja 28:15). Jesaja sê hierdie mense is geestelik blind (sien Jesaja 26:11); met ander woorde, hulle sal geen ramspoed aan God se werk toeskryf nie. In plaas daarvan, sal hulle optree asof God glad nie in die hemel is nie.

Die toestande in die wêreld vandag veroorsaak dat vrees toeneem. Ons sien die woorde van Jesus waar word: “Op aarde sal daar radeloosheid onder die volke wees uit angs…Die mense sal beswyk van vrees en spanning oor die dinge wat oor die hele wêreld aan die kom is, want die kragte van die hemelruim sal ontwrig word” (Lukas 21:25-26). Christus waarsku ons: “Sonder hoop in My, sal menigtes letterlik sterf van vrees!”

As volgelinge van Jesus Christus, moet ons heeltyd bewus wees dat die duiwel daarop uit is om ons te vernietig. Daarom sê Paulus ons moet soveel weet as wat ons kan oor die vyand se taktiek en planne “Sodat ons nie deur die Satan bedrieg sou word nie; want ons is met sy planne nie onbekend nie” (2 Korinthiërs 2:11).

“En Hy het vertrek en volgens gewoonte na die Olyfberg gegaan. En ook sy dissipels het Hom gevolg. En toe Hy op die plek kom, sê Hy vir hulle: Bid dat julle nie in versoeking kom nie. En Hy het Hom van hulle afgesonder omtrent so ver as ’n mens met ’n klip kan gooi, en neergekniel en gebid en gesê: Vader, as U tog maar hierdie beker van My wil wegneem! Laat nogtans nie my wil nie, maar u wil geskied! En ’n engel uit die hemel het aan Hom verskyn en Hom versterk.

Geestelike moed is die groot nood vir so baie van ons vandag. Ons mag uitstekende lering gehoor het en veelvuldige vertalings van die Bybel gelees het. Maar wat ons moet doen, is om die werk van die Gees binne in ons “op te wek.” Ons moet onsself opnuut aan God gee in gebed, Bybel lees en met ‘n nuwe oorgawe aan die Heilige Gees. Ons moet onself ook afskei van gedagtes, woorde en dade wat die Gees se vloei verhinder. Die Skrif sê, “Nader tot God, en Hy sal tot julle nader” (Jakobus 4:8).

‘n Klagte onder Christene dwarsdeur die wêreld is, “Ek kan nêrens ‘n goeie kerk kry nie! Ek het ‘n plek nodig waar my gesin bedien kan word en waar my kinders kan grootword en ware geregtigheid leer ken.”

Te veel herders probeer voortdurend nuwe dinge in die kerk – nuwe metodes van evangelisasie, nuwe musiek, nuwe “herlewingbewegings.” Daar is soveel bohaai en ligsinnigheid – allerhande soorte dinge wat die aandag van die evangelie aflei.

Die Skrif maak dit duidelik dat dit moontlik is vir elke ware volgeling van Jesus om die heerlikheid van God te sien en te verstaan. Trouens, ons Here openbaar sy heerlikheid aan almal wat ernstig daarvoor vra en daarna soek. Ek glo God se heerlikheid sal sy kinders toerus om die gevaarlike dae wat voorlê te kan verdra.

Die heerlikheid van God is nie ‘n fisiese manifestasie of ‘n ekstatiese gevoel wat jou oorval nie. Dit is ook nie ‘n bonatuurlike aura of stralende engelagtige lig nie. Eenvoudig gestel, God se heerlikheid is ‘n openbaring van sy natuur en sy eienskappe!