Afrikaans Devotionals

Geestelike moed is die groot nood vir so baie van ons vandag. Ons mag uitstekende lering gehoor het en veelvuldige vertalings van die Bybel gelees het. Maar wat ons moet doen, is om die werk van die Gees binne in ons “op te wek.” Ons moet onsself opnuut aan God gee in gebed, Bybel lees en met ‘n nuwe oorgawe aan die Heilige Gees. Ons moet onself ook afskei van gedagtes, woorde en dade wat die Gees se vloei verhinder. Die Skrif sê, “Nader tot God, en Hy sal tot julle nader” (Jakobus 4:8).

‘n Klagte onder Christene dwarsdeur die wêreld is, “Ek kan nêrens ‘n goeie kerk kry nie! Ek het ‘n plek nodig waar my gesin bedien kan word en waar my kinders kan grootword en ware geregtigheid leer ken.”

Te veel herders probeer voortdurend nuwe dinge in die kerk – nuwe metodes van evangelisasie, nuwe musiek, nuwe “herlewingbewegings.” Daar is soveel bohaai en ligsinnigheid – allerhande soorte dinge wat die aandag van die evangelie aflei.

Die Skrif maak dit duidelik dat dit moontlik is vir elke ware volgeling van Jesus om die heerlikheid van God te sien en te verstaan. Trouens, ons Here openbaar sy heerlikheid aan almal wat ernstig daarvoor vra en daarna soek. Ek glo God se heerlikheid sal sy kinders toerus om die gevaarlike dae wat voorlê te kan verdra.

Die heerlikheid van God is nie ‘n fisiese manifestasie of ‘n ekstatiese gevoel wat jou oorval nie. Dit is ook nie ‘n bonatuurlike aura of stralende engelagtige lig nie. Eenvoudig gestel, God se heerlikheid is ‘n openbaring van sy natuur en sy eienskappe!

Wat het geword van bekering? Deesdae hoor jy skaars die woord in meeste van die kerke. Herders roep selde hulle gemeentelede om berou te hê omdat hulle Christus verwond het deur hulle goddeloosheid. In plaas daarvan, is die boodskap wat ons van baie kansels af hoor vandag, “Glo net. Aanvaar Christus en jy sal gered word.” Die teksvers wat gebruik word om hierdie boodskap te regverdig is Handelinge 16:30-31: “Menere, wat moet ek doen om gered te word? Toe sê hulle: Glo in die Here Jesus Christus en jy sal gered word, jy en jou huisgesin.”

“Ondersoek julself of julle in die geloof is; stel julself op die proef” (2 Korinthiërs 13:5).

Die Griekse woord vir “ondersoek” hier, beteken “bestudeer, evalueer.” Die apostel Paulus sê in wese, “Toets jouself om te sien of jy volgens God se Woord lewe.” Ons moet voortdurend vir onsself vra, “Verander ek? Word ek meer liefdevol en goedhartig? Is my gesprekke meer regverdig? Kla ek steeds of begin ek opbouende woorde van geloof te spreek? Probeer ek bewustelik om Jesus te behaag?” 

“Weet julle nie dat julle ‘n tempel van God is en die Gees van God in julle woon nie? As iemand die tempel van God skend, sal God hom skend; want die tempel van God is heilig, en dit is julle” (1 Korinthiërs 3:16-17).

Miskien vind jy dit moeilik om daagliks die Woord lees. God kan jou egter genade gee. Dit begin alles by ‘n eenvoudige gebed: “Here, sal U my help om die Bybel te lees? Sal U my gedagtes op U weë rig? Sal U my verder neem as wat ek nog ooit tevore was?”

Jy het waarskynlik verskeie vriendekringe wat insluit jou besigswêreld – jou medewerkers, vennote of kliënte – en kennisse met wie jy assosieer op ‘n oppervlakkige manier. Ons sou die wêreld heeltemal moes verlaat om hierdie soorte kontakte te vermy.

God is die meeste begaan oor jou boesemvriende. Dit is die mense wat jy die liefste het en ‘n invloed op jou lewe het. Julle stem saam oor die meeste dinge en julle voel veilig om julle harte teenoor mekaar oop te maak.  

God beveel ons om nie vir ons vyande bang te wees nie. “Moenie vir hulle bang wees nie” (Deuteronómium 7:18). Vir Israel het die “hulle” die groot, goedbewapende, heidense nasies verteenwoordig wat hulle in die Beloofde Land moes trotseer. Vir ons, vandag, verwys “hulle” na al die probleme en oorweldigende moeilikhede wat ons in die lewe beleef.

Die Ou Testament is vol verhale van die wonderlike seëninge wat gekom het na diegene wat God se teenwoordigheid met hulle gehad het. Hierdie verhale is bedoel om ons te bemoedig en te vermaan om God se teenwoordigheid in ons daaglikse lewe te soek.