Word jy uitgedaag om uit te stap in nuwe rigting in wat bonatuurlike geloof vereis? Het jy nodig dat God ‘n wonderwerk in jou lewe doen sodat jy jou droom kan verwesenlik?

In God se oë, het ware geloof niks te doen met die omvang van ‘n taak wat jy beplan om te volbring nie. Liewer, dit het te doen met die fokus en rigting van jou lewe. Jy sien, God is nie so bekommerd oor jou groot visie as wat Hy is met wie jy besig is om te word nie. Trouens, geen werk, ongeag hoe groot, is van enige waarde vir die Here nie, tensy die mindere, verborge sake van geloof verrig word nie.

“Een ding weet ek vas en seker: Niks kan ons ooit van Christus se liefde skei nie. Nie dood of lewe of engele of duiwelse magte nie; nie ons vrees vir vandag of ons kommer oor môre nie; ook nie bo-aardse magte nie” (Romeine 8:38).

Paulus gee hier vir ons nuttige woorde om aan vas te hou: een ding weet ek vas en seker. Dit is die sleutel om vrygemaak te word van alle twyfel oor God se guns teenoor ons.

Psalm 56 is bedoel vir diegene wat skade gely het – of dit nou deur familie, vriende, of die wêreld en dade van die goddelose is. Dit is ‘n boodskap vir hulle wat die Here liefhet en tog trane stort en laste dra wat lyk of dit by die dag swaarder word.

Sommige gelowiges word elke oggend wakker onder ‘n wolk van vrees en wanhoop. Hulle mag dalk verpletter en vreesbevange voel weens finansiële probleme. Ander beleef ernstige gesondheidsprobleme en ondraaglike pyn terwyl ander treur oor familielede wat diep in die moeilikheid is en miskien rebelleer teen die Here.

Jy is waarskynlik bekend met die storie van Job in die Ou Testament. Indien wel, onthou jy dat Satan hierdie goddelike man van God nie kon skade doen sonder om eers uit die hemel toestemming te kry nie. Die Here het vir die duiwel gesê hy kon Job se liggaam aantas, hy kon hom verbysterende beproewings laat deurgaan, maar hy kon hom nie doodmaak nie.

Kort na die opstanding van Jesus het Petrus en Johannes ‘n kreupel bedelaar net buitekant die tempelpoort teëgekom toe hulle op pad was om te aanbid. Hierdie man het vir ‘n lewe gebedel en het vir Petrus en Johannes vir aalmoese gevra. Petrus het geantwoord, “Silwer en goud het ek nie; maar wat ek het, dit gee ek vir jou: In die Naam van Jesus Christus, die Nasaréner, staan op en loop!” (Handelinge 3:6). Die man was onmiddellik genees en met baie groot blydskap het hy begin om deur die tempel te hardloop, terwyl hy op en af gespring en uitgeroep het, “Jesus het my genees!”

Dawid het gebid, “Bewaar my, o God, want by U skuil ek” (Psalm 16:1). Die Hebreeuse woord wat Dawid gebruik vir “bewaar” in hierdie vers, is vol betekenis. Dit sê in wese, “Plaas ‘n heining rondom my, ‘n muur van beskermende dorings. Waak oor my en beskerm my. Let op al my bewegings, al my komme en gane.”

“Maar jy, wanneer jy bid, gaan in jou binnekamer, sluit jou deur en bid jou Vader wat in die verborgene is; en jou Vader wat in die verborgene sien, sal jou in die openbaar vergelde” (Matthéüs 6:6).

Ons moet die diepte en krag verstaan van wat Jesus hier sê wanneer Hy praat van die Vader wat in die verborgene sien. Ons mag dalk godsdienstige gebede bid met die hoop om gesien te word as ‘n wonderlike heilige, maar God hoor nie daardie gebede nie, Hy let nie eens op dat ons bid nie.

Ek is oortuig daarvan dat God van voorneme is om sy seëninge te gee aan elke kerk en elke gelowige wat ernstig daarvoor bid.

Ons sien in die Bybel dat God se seën ‘n weerspieëling is van sy ontsaglike liefde vir sy skepping. Hoewel dit wesenlik onsigbaar is, is sy seën onoorwinlik en dit seëvier oor alles wat die aarde of die hel daarteen kan stuur. Hierdie seën spruit uit die antieke instruksies wat God vir Moses gegee het om uitgevoer te word deur die hoëpriester van Israel:

Daar bestaan ‘n plek in Christus waar daar geen vrees oor die toekoms is nie, geen vrees vir rampspoed, verdrukking of werkloosheid nie. En daar is geen vrees vir faal of jou siel verloor nie. Hierdie plek van algehele vertroue in God se getrouheid word genoem ‘n plek van volkome rus deur die skrywer van Hebreërs.

Terwyl Jesus stil in die graf gelê het ná sy kruisiging, het Satan en sy hordes gespog. Hulle het gedink hulle het ‘n onomkeerbare oorwinning behaal, maar in die tussentyd was God besig om sy voorafbepaalde plan in werking te stel – ‘n plan vir die opstandingslewe!

Die Here het sy Heilige Gees afgestuur tot in die buik van die hel en daar het die Gees Jesus se liggaam verkwik en Hom uit die dood opgewek. Toe het ons geseënde Verlosser uit die graf opgestaan, dwarsdeur die dik klip. En Hy het daar uitgekom met hierdie getuienis: