“Geseënd is die man wat op die HERE vertrou, en wie se vertroue die HERE is. Want hy sal wees soos ‘n boom wat by die water geplant is en sy wortels uitskiet by die stroom en nie vrees as daar hitte kom nie, maar sy blad bly groen; en in ‘n jaar van droogte is hy nie besorg nie en hou nie op om vrugte te dra nie” (Jeremia 17:7-8).

Ons sien in vers agt dat die een wat God vertrou gedurende moeilike tye, is “geplant.” Hy is diep gewortel, stabiel en vrugbaar, altyd groen met nuwe lewe. Wanneer dinge in sy lewe droog en moeilik word, sal hy nie bang wees nie.

“Wat, toe Hy uitgeskel is, nie terug uitgeskel het nie; toe Hy gely het, nie gedreig het nie” (1 Petrus 2:23).

‘n Wonderlike waarheid wat verbind is met Christus se lyding, is dat Hy nooit een keer Homself verdedig het teen diegene wat Hom mishandel het nie. Hy het niemand bestraf nie en op geen manier teruggekap nie.

“Maar wat dwaas is by die wêreld, het God uitverkies om die wyse te beskaam; en wat swak is by die wêreld, het God uitverkies om wat sterk is, te beskaam” (1 Korinthiërs 1:27).

God kies steeds die swakkes om Sy krag te vertoon. Het jy al ooit nietig, swak en nutteloos vir God gevoel? Het jy al ooit gekyk na ander wat so sterk, so volmaak gelyk het en aan jouself gedink as te sondig, te dom om deur God gebruik te word? Moenie vergelyk nie! God verlang nie geestelike reuse nie, maar Hy soek liewer gewone heiliges met kinderlike geloof wat alle vertroue in die vlees verloor het.

Toe Moses van die berg afgekom het terwyl hy die Tien Gebooie in sy hande gehou het, het hy die volk gehoor skree en gesien hoe hulle dans en fuif.

“Toe Moses sien dat die volk bandeloos (naak) was – want Aäron het hulle bandeloos laat word tot leedvermaak onder hulle teëstanders . . .” (Exodus 32:25). Die Hebreeuse woord wat hier gebruik word vir bandeloos is “para,” wat beteken, “Om los te word, te ontbloot, alle teëhouding te laat vaar.” Dit bedoel ook “’n nuwe begin.”

As jy voel God praat met jou hart oor iets wat Hy vir jou voorberei het – miskien ‘n wandeling wat jy nog nooit tevore geken het nie, of die vervulling van ‘n jarelange belofte – kan ek vir jou met gesag sê, “Maak gereed om jou hart te ondersoek ”

My eerste boek, Run Baby Run, is die storie van hoe God my gered het uit ‘n lewe van haat en geweld in die straatbendes van New York. Die boek hou aan om goed te verkoop en bedien aanhoudend die mees hopeloses en die wat die meeste ly in ons samelewing.

Die Bybel spreek ons pogings om Hom te behaag in ons vlees aan: “Want omdat hulle die geregtigheid van God nie ken nie en hulle eie geregtigheid probeer oprig, het hulle hul aan die geregtigheid van God nie onderwerp nie” (Romeine 10:3). Om ons eie geregtigheid te probeer oprig, is eintlik ons vlees aan die werk!

Om God te probeer behaag met ons menslike krag, beroof ons van ons blydskap en vrede met Hom. Enige oorwinnings sal kortstondig wees en ons sal weer in die versoeking kom. Die vyand sal aanhou om ons te teister en ‘n gesprek met hom sal moontlik soos volg klink:

Ons kan almal sê, “Ek is verlos deur die bloed van my Verlosser, maar ek het nog nie alles ten volle bereik nie.” Ons besing lof en juig tot ons God en tog hou baie van ons aan om te strewe om Hom te behaag.

Jy mag nou en dan ‘n oorwinning behaal en dan goed voel daaroor. Jy sê vir jouself, “Ek het dit reggekry. Ek het geweet as ek my hart en verstand daarop instel, sal ek die oorwinning behaal.” Jy is geneig om trots te voel oor dit wat jy bereik het en dan rondgaan en ander wat nie seëvier nie, oordeel.

Wanneer Satan jou probeer oortuig dat jy onwaardig is om met die Here te praat en Hom te dien, weet jy dit is nie waar nie. Jy kan dit egter moeilik vind om ten volle verseker te wees dat Hy jou gereinig en waardig gemaak het om voor Hom te staan en Hom getrou te dien. Maar die Woord van God sê Hy het!

Wie sê vir jou dat jy onwaardig is, goed vir niks, nutteloos en onbruikbaar is vir God? Wie herinner jou gedurig dat jy swak, hulpeloos en ‘n totale mislukking is? En wie sê vir jou dat jy nooit teen God se standaarde sal opweeg nie?

Wie sê vir lede van die aanbiddingsspan dat hulle nie waardig is om God se lof in Sy huis te besing nie of vir musikante dat hulle nie waardig is om instrumente van aanbidding te bespeel nie? Wie sê vir diegene wat plek aanwys, ouderlinge, Sondagskoolonderwysers, vrywilligers en mense in die kerkbanke dat hulle onwaardig is?