“Wee die bewoners van die aarde en die see, want die duiwel het na julle neergedaal met groot woede, omdat hy weet dat hy min tyd het” (Openbaring 12:12).

Hierdie gedeelte van Openbaring sê vir ons dat Satan ‘n volskaalse oorlog teen God se heiliges verklaar het. Dit noem ook dat die duiwel ‘n spertyd het om sy werk af te handel: Omdat hy weet dat hy min tyd het.

Opregte Christene het my al gevra, “Wie glo ons? Oor die jare het ek die werke van baie bedienaars, wat oortuig was dat die einde naby was, gelees. Oor en oor was hulle egter verkeerd. Ek dink sommige het net probeer om ‘n boek te verkoop, terwyl ander werklik gedink het dat God vir hulle gesê het dat die einde op ons is.”

“In Hom het ons die verlossing deur sy bloed, die vergifnis van die misdade na die rykdom van sy genade, wat Hy oorvloedig aan ons bewys het in alle wysheid en verstand” (Efésiërs 1:7-8).

Ons in die kerk het nog nie eens die oppervlak van genade aangeraak het nie. Ons neem slegs klein slukkies van die genadebeker in ons wandel met God en daarna begin ons geleidelik meer op ons eie vermoëns staatmaak.

Die Bybel het verskeie simbole vir die Heilige Gees. Een is wind, wat in die oorspronklike Grieks van die Nuwe Testament dieselfde woord is as asem. Wind help ons om die onsigbare en misterieuse beweging van die Gees te visualiseer (sien Johannes 3:8).

‘n Duif simboliseer die Gees tydens Jesus se doop. “En dadelik toe Hy opklim uit die water, sien Hy die hemele skeur en die Gees soos ‘n duif op Hom neerdaal” (Markus 1:10). Die Heilige Gees is almagtig, tog vreemd sag en sensitief in sy optrede met ons. Ons almal kan Hom te maklik bedroef.

Hoewel ons organisasie baie moderne, hoë-tegnologie metodes gebruik, kry ons nie ons leiding van hierdie “bedieningsgereedskap” nie. Ons bring ons ure op ons knieë deur en soek die Here vir leiding in elke area van bediening.

Vandag het “kundiges” die leisels van die kerk oorgeneem. Sonde word gesien in sielkundige terme en ‘n siekte genoem. Profete van heiligheid word vervang met sielkundiges en maatskaplike werkers wat die nuutste mensgesentreerde kliektaal praat en altare word vervang met beradingskamers. Jesus word onttroon en Freud word verhef!

Laat my vir jou vier tragiese gevolge gee van wanneer die Here onttroon word.

“Israel was ‘n weelderige [leë] uitbottende wynstok wat sy vrug voortgebring het [vir homself]” (Hoséa 10:1). Almal in Israel het net vir hulleself gesorg en die gevolg was algehele leegheid. Hoséa het hier met gelowiges gepraat, en het vir hulle ‘n voorbeeld gewys van wat met almal gebeur wat die Here uit hulle lewens stoot. Sulke mense word selfsugtig en voel ellendig – en elke ding wat hulle najaag eindig in leegheid!

God het Israel geseën en voorspoedig gemaak en vir hulle huise, wat hulle nie gebou het nie en wingerde wat hulle nie geplant het nie, gegee. Hy het goddelike mense opgerig om as profete op te tree en het vir die mense duidelike boodskappe van leiding gegee. En jarelank het die mense bewys dat God getrou was, na sy raad geluister en hulle nooit na die vlees gewend nie. Wanneer God ook al met hulle gespreek het, het hulle gehoorsaam. En hulle was bonatuurlik verlos van magtige vyande.

“Want in Hom is alle dinge geskape wat in die hemele en op die aarde is . . . trone sowel as heerskappye en owerhede en magte – alle dinge is deur Hom en tot Hom geskape” (Kolossense 1:16).

“En Hy is die Hoof van die liggaam, naamlik die gemeente . . . sodat Hy in alles eerste kan wees” (Kolossense 1:18).

Vandag word baie Christene uitgeput deur hulle eie pogings om sonde te weerstaan. Hulle word getap van elke laaste brokkie blydskap, en die oorwinning wat Christus vir ons behaal het, raak verlore in hulle verbete pogings om ‘n geregtigheid van hulle eie op te rig.

Geregtigheid wat deur enigiets anders as geloof opgerig is, sal altyd misluk. Jy sien, daar kan nie beide God se geregtigheid en ons s’n wees nie. Dit sou beteken daar is twee evangelies: Syne en ons s’n. Ons kan nie ons eie-geregtigheid met God se heilige geregtigheid meng nie.

Die meeste stem saam dat die Hooglied van Salomo ‘n voorstelling is van Christus en Sy Bruid. In hierdie boek vind ons ‘n belangrike vers, ‘n versoek aan die Bruidegom wat kom van diegene wat Hom ken: “Vang julle vir ons die jakkalse, die klein jakkalse wat die wingerde verniel, want ons wingerde staan in die bloei” (Hooglied van Salomo 2:15).