Ons geloof in moeilike tye verskaf vir ons ‘n “goeie getuienis.”

“[Deur hulle geloof] het die mense van die ou tyd [goeie] getuienis ontvang” (Hebreërs 11:2). Die Griekse woord hier vir “getuienis ontvang” beteken “om te getuig.” Ons voorouers in die Here het ‘n standvastige, geankerde geloof gehad. En hulle onwrikbare geloof het vir die wêreld ‘n getuienis van God se getrouheid te midde van moeilike tye geword.

Wanneer jy te midde van die stryd is, sal Satan vurige beskuldigings teen jou stuur. Hy sal jou herinner aan al jou vorige sondes, elke duister oomblik en elke dwase ding wat jy ooit gedoen het. Dit is geen wonder dat Paulus sulke beskuldigings “vurige pyle” noem nie (sien Efésiërs 6:16). Die vertaling is “vlammende woede.” Baie heiliges ken die pyn van gemene en kwetsende woorde wat na hulle toe kom vanaf diegene rondom hulle. Sulke ondeurdagte beskuldigings is waarlik vurige pyle van vlammende woede.

Paulus gee raad, “Behalwe dit alles neem die skild van die geloof op waarmee julle al die vurige pyle van die Bose sal kan uitblus” (Efésiërs 6:16). Paulus brei uit oor hoe ons die stryd moet voer teen die vyand, wat teisterende gedagtes van vrees stuur.

“Trek die volle wapenrusting van God aan, sodat julle staande kan bly teen die liste van die duiwel. Want ons worstelstryd is nie teen vlees en bloed nie, maar teen die owerhede, teen die magte, teen die wêreldheersers van die duisternis van hierdie eeu, teen die bose geeste in die lug” (Efésiërs 6:11-12).

Wanneer jy in benoudheid is – wanneer jy oorweldig voel deur vrees, moedeloos is as gevolg van teenspoed en onsteld is van bekommernis oor jou toekoms – sê God dat daar ‘n geheime skuilplek is. Dit is ‘n plek van troos waar ons kalmte vir ons siele kan vind.

Waar is hierdie geheime skuilplek? Dit is ‘n kamer in jou gedagtes wat Jesaja op die volgende manier beskryf: “U sal ‘n standvastige gesindheid in volle vrede bewaar, want hulle vertrou op U” (Jesaja 26:3, kursief myne).

Hier is die definisie van die evangeliebediening volgens die apostel Paulus: “Ek besweer jou dan voor God en die Here Jesus Christus, wat die lewende en die dode sal oordeel by sy verskyning en sy koninkryk; verkondig die woord; hou aan tydig en ontydig; weerlê, bestraf, vermaan in alle lankmoedigheid en lering; want daar sal ‘n tyd wees wanneer hulle die gesonde leer nie sal verdra nie maar, omdat hulle in hul gehoor gestreel wil wees, vir hulle ‘n menigte leraars sal versamel volgens hulle eie begeerlikhede, en die oor sal afkeer van die waarheid en hulle sal wend tot fabels.

Jesus het saam met Sy dissipels in die boot gevaar (Markus 5:1-18), toe Hy hulle oor die see van Galiléa geneem het na die gebied van die Gadaréners, ‘n land wat deur heidene bewoon is. Toe Jesus uit die boot geklim het, het ‘n duiwelbesete man na Hom gehardloop en op sy knieë geval. Die duiwels het op Jesus geskree, “Wat het ek met U te doen, Jesus, Seun van die Allerhoogste God!” En die duiwels het Hom gesmeek om hulle barmhartig te wees.

Ek het ‘n kort Boodskap vir hulle wat ‘n pynlike en oorweldigende situasie beleef. Ek praat nie met hulle wat tans ‘n tydperk van rus van lyding beleef, of wat nie in pyn of verdriet verkeer nie. Dank God vir daardie tye van stille rus.

Die Heilige Gees het my gedring om Exodus 12 te lees wat die verhaal oor Israel se verlossing uit Egipte bevat.

Op die deur van elke Israeliet se huis, was die bloed van ‘n lam gesmeer op die twee deurposte en die bo-drumpel. Dit was om God se volk te beskerm van die verbygaande engel van die dood. Toe die dag aangebreek het, het ’n menigte Israeliete uit gevangenskap uitgestap, insluitend 600,000 mans plus vroue en kinders. “Op daardie selfde dag, het al die leërskare van die HERE uit Egipteland uitgetrek” (Exodus 12:41).

Jesus het vir sy dissipels gesê, “Die lande is wit vir die oes.” Die oes is ‘n insameling van siele in die laaste dae en die wet van die oes is hoe donkerder die dae, hoe witter die oes. Tans is baie siele gereed vir die oes dwarsdeur die wêreld.

Maar daar is ‘n ander oes in hierdie laaste dae. Die Here het profeties gepraat oor wat Hy in ons tyd vooruitgesien het: ‘n oes van goud-ryp geloof in die harte van Sy kinders. Ons Here wil getoetse, lydende kinders hê wat sal opstaan te midde van benoudheid en moeilikheid en verklaar, “Ek vertrou My God!”

Toenemende getalle Christene is nie langer heeltemal tevrede met Christus nie. Die Here word onttroon deur dit wat Hy self die dorings genoem het – wat Hy definieer as die sorge van hierdie wêreld, die verleiding van rykdom, die begeertes na ander dinge wat die hart binnekom. Christus sê dit is die dorings wat die Woord verstik en dit onvrugbaar maak (sien Markus 4:7).

Is die Here meer in jou gedagtes as ‘n jaar gelede? Bring jy meer tyd in Sy teenwoordigheid deur vandag as ‘n jaar gelede? Word jou passie vir Hom groter of kwyn dit?