Op een geleentheid het Paulus gepreek in Éfese, ‘n stad wat die godin Diana aanbid het. Die silwersmede in Éfese het fortuine gemaak deur replika beeldjies van die godin te verkoop. Maar toe Paulus op die toneel kom, het hy verkondig, “Julle god is vals. Daar is net een ware God. En sy Seun het geleef en gesterf sodat diegene wat dood is deur sonde, mag lewe.”

Woedend het die silwerhandelaars besef dat hulle lewensonderhoud in gedrang was. Daarom het hulle ‘n bende aangehits om Paulus te vang, vasbeslote om hom dood te maak (sien Handelinge 19:24-31).

As Christene glo ons in die opstanding van Jesus Christus. Ná die Here se kruisiging, het die Heilige Gees die graf waar Hy gelê het binnegegaan en Hom opgewek. Dit is waarom ons tydens Paasfees sing dat Christus uit die graf opgestaan het, Sy vyande oorwin het en nou vir ewig heers saam met die heiliges.

Om vasgevang te wees in vrees, kan veroorsaak dat ons dit weerstaan om in geloof uit te stap. Maar Jesus het ‘n geneesmiddel vir jou vrees. By die Huttefees, het Hy opgestaan en verklaar, “Hierdie rivier van lewende water sal nie gekeer word nie. As iemand in My glo, sal hierdie water hom verkwik met lewe. Dit sal uit hom vloei soos ‘n rivier en die goedheid van die hemelse Vader demonstreer” (sien Johannes 7:37-38).

In een van Koning Dawid se mees aangehaalde, maar tog misverstaande psalms, sê hy, “Al gaan ek ook in ‘n dal van doodskaduwee, ek sal geen onheil vrees nie; want U is met my: u stok en u staf dié vertroos my” (Psalm 23:4). Ek dink nie Dawid het God hier gevra om hierdie onheil weg te neem nie; hy het gevra om na die stryd voortgestu te word, om gedwing te word om die vyand tromp-op te loop. Hy was gereed om oorlog toe te gaan teen Satan en nie vir hom weg te kruip nie!

Dit is tragies dat die godsdienstige wêreld al vir eeue lank vedeeld is. Deur die geslagte heen, het verskriklike verdeeldheid Christene teen mekaar in laat stry. Broer het teen broer te staan gekom, suster teen suster en ganse denominasies is vernietig.

Die wêreld het geïllustreerde preke nodig – kragtige persoonlike voorbeelde – van God se liefde.

In Johannes 17:21 het Jesus gebid: “Dat almal een mag wees net soos U, Vader, in My en Ek in U; dat hulle ook in Ons een mag wees, sodat die wêreld kan glo dat U My gestuur het” (my kursief).

Tydens Sy laaste oomblikke saam met die dissipels voor Sy kruisiging, het Jesus gewaarsku, “Sommige van julle sal verwerp word, sommige in die tronk gooi word, sommige sal doodgemaak word. Almal van julle sal vervolg word” (sien Johannes 16:2). Wat ‘n afskeidsboodskap!

Daar word so baie gepraat oor die verskriklike situasie waarin die wêreld is. Die een nasie na die ander kom in die moeilikheid en is op die rand van ‘n ekonomiese ineenstorting. Tog, te midde van al die vrese en onrus, het God steeds verlore siele lief en red hulle.

Sy wonderlike werk van verlossing verander nooit nie – dit word nie deur die ekonomie beïnvloed nie. Die Heilige Gees se bearbeiding en oortuiging van sonde word nie verhinder deur toestande in Wall Street of kwynende globale finansies nie. God se reddende mag was nog nooit beperk deur krimpende bankrekeninge nie.

Toe die kinders van Israel in die woestyn was, was hulle geteister deur dors en het met Moses begin argumenteer. “Waarom het u ons dan uit Egipte laat optrek om my en my kinders en my vee van dors te laat omkom? Toe het Moses die HERE aangeroep en gesê: Wat moet ek met hierdie volk doen? Dit skeel maar min of hulle stenig my. En die HERE het Moses geantwoord: Trek voor die volk uit, en neem van die oudstes van Israel met jou saam; en neem jou staf waarmee jy die Nyl geslaan het, in jou hand en gaan weg.

Die groot versoeking in die Christendom vandag, is om ons boodskap so verteerbaar te maak vir die massas, dat ons die element van vuur verloor. Toe  “antwoord Johannes almal en sê: Ek doop julle wel met water, maar Hy kom wat sterker is as ek, wie se skoenriem ek nie waardig is om los te maak nie – Hy sal julle doop met die Heilige Gees en met vuur” (Luke 3:16).

Ons skep dienste vol van lekkers en donse. Maar dit sal nie die koninkryk uitbrei en Jesus verheerlik laat word nie. Mense kan hulle nie tot God bekeer sonder die vurige werk van die Heilige Gees nie.