“Ek sê vir julle, julle soek My nie omdat julle tekens gesien het nie, maar omdat julle van die brode geëet en versadig geword het. Moenie werk om die spys wat vergaan nie, maar om die spys wat bly tot in die ewige lewe, wat die Seun van die mens julle sal gee; want Hom het God, die Vader, verseël” (John 6:26-27).
“Halleluja! Welgeluksalig is die man wat die HERE vrees, wat ’n groot welbehae in sy gebooie het. Sy nageslag sal geweldig wees op die aarde; die geslag van die opregtes sal geseën word” (Psalm 112:1-2).
Dwarsdeur hierdie land, bid Christene vir herlewing. Baie verwag dat die Heilige Gees op hulle gemeenskap sal neerdaal en menigtes bekeer terwyl God sondaars by hulle kerke laat instroom. Hulle voel dat, omdat hulle gevas en gebid het, God outomaties herlewing sal stuur. Maar God antwoord, “Nee, Ek sal nie daardie speletjie speel nie. Jy moet persoonlik verantwoordelikheid neem om van My te getuig. Jy moet ‘n stralende manifestasie van my Seun wees en My bekend maak aan jou familie, vriende, bure en medewerkers.”
“Deur die geloof is Henog weggeneem om die dood nie te sien nie; en hy is nie gevind nie, omdat God hom weggeneem het; want voor sy wegneming het hy getuienis ontvang dat hy God behaag het” (Hebreërs 11:5). Henog het intieme gemeenskap met sy hemelse Vader gehad en sy lewe is nog ‘n getuienis van wat dit beteken om waarlik in geloof te wandel. Sy gemeenskap met God was so intiem dat die Here hom opgeneem het in die hemel lank voor sy lewe op aarde tot ‘n einde gekom het.
Dit is onmoontlik om ‘n geloof te hê wat God te behaag sonder om ‘n nabyheid aan Jesus te hê wat spruit uit ‘n verlange na Hom. Hierdie soort innige persoonlike band kan slegs gevorm word wanneer ons die Here meer begeer as enigiets anders in die lewe.
Paulus het twee briewe wat kragtige leringe bevat het aan die Korinthiërs geskryf. Hy het onderrig oor die opstanding, die koms van die Here, die oordeelstroon van Christus, dood vir sonde, geregtigheid deur geloof en die hemel en die hel. Paulus het hierdie mense gewaarsku, hulle aangemoedig en by hulle gepleit. Daar was ongetwyfeld geen ander liggaam van gelowiges so liefdevol gelei, so goed onderrig en so opgebou deur die evangelie van genade nie.
Ons Herder is ‘n getroue Leidsman vir ons in alles, maak nie saak watter verkeerde besluite ons geneem het nie, “Ek het gekom, dat hulle lewe en oorvloed kan hê” (Johannes 10:10).
Almal weet hoe belangrik dit is om ‘n kwaliteit raadgewer te hê. Dink aan die belangrike lewensbesluite wat jy gemaak het. Was diegene wat jou leiding gegee het ervare, vaardig en kundig om jou te kry waarheen jy wou gaan? God gebruik sy kinders om ander op die pad te help, maar Jesus gee die kortste en direkste leiding van almal en Hy stel dit baie eenvoudig, “Volg my” (Matthéüs 9:9).
Die apostel Paulus het gesê, “Ek het my voorgeneem om niks anders onder julle te weet nie as Jesus Christus, en Hom as gekruisigde (1 Korinthiërs 2:2).
Het jy al daarna gesoek om die stem van Jesus te ken, terwyl jy stil in sy teenwoordigheid sit – en net wag? Het jy Hom gesoek vir dinge wat jy nie uit boeke of by leraars kan kry nie? Die Bybel sê dat alle waarheid in Christus is, en Hy alleen kan dit aan jou oordra deur sy geseënde Heilige Gees.
“En wie is daar van julle wat ’n dienskneg het wat ploeg of vee oppas, en as hy inkom van die veld vir hom sal sê: Kom dadelik hier aan tafel? Sal hy nie eerder vir hom sê nie: Maak vir my die aandete klaar en omgord jou en bedien my totdat ek geëet en gedrink het; en daarna kan jy eet en drink? Bedank hy daardie dienskneg, omdat hy gedoen het wat hom beveel is? Ek glo nie. So ook julle, wanneer julle alles gedoen het wat julle beveel is, sê dan: Ons is onverdienstelike diensknegte, want ons het gedoen wat ons verplig was om te doen” (Lukas 17:7-10).
Kyk na die huidige toestand van ons land en die wêreld. Wat sien jy? Christus se profesie word voor ons oë vervul: “Op die aarde benoudheid van nasies in hulle radeloosheid ... en mense se harte beswyk van vrees en verwagting van die dinge wat oor die wêreld kom. Want die kragte van die hemele sal geskud word” (Lukas 21:25-26).