Te midde van ‘n tyd van onbestendigheid en opstote, hoe gaan God se kinders reageer? As jy Jesus Christus as jou Here en Verlosser bely, hoef jy nooit te vrees nie. Diegene wat in Christus is, word vir ewig beskerm deur die bloed wat Jesus vir hulle gestort het en hierdie waarheid is die hoeksteen van ons geloof. Dit sal alles wat ons dink en wat ons doen bepaal ongeag wat rondom ons aangaan.

Heilig en gesalf – hierdie twee belangrike elemente van Jesus se lewe is bedoel om ook deel te wees van ons lewens. Ons is geroep om heilig en gesalf te wees maar sommige Christene mag geïntimideerd voel hierdeur. “Ek leef ‘n sedelike lewe en ek doen my bes om goddelik te wees – maar heilig? En gesalf? Hoe kan dit wees – met al my mislukkings?”

Snaaks genoeg, God hou daarvan om die mees onwaarskynlike, ongeleerde, en onvolmaakte mense te gebruik om verstommende dinge te doen. Moses het ‘n man doodgemaak voor hy self Israel se verlosser geword het, Koning Dawid se familie het hom slegs as die skaapwagter gestuur, en die apostel Petrus was ‘n visserman met geen formele godsdienstige opleiding nie.

“[Jesus] het daar vanweë hulle ongeloof nie baie kragtige dade gedoen nie” (Matthéüs 13:58). Ongeloof verhinder altyd die volheid van God se openbaring en seën en die Skrif maak dit duidelik dat God dit nie ligtelik opneem nie. Hy gee vir ons ‘n voorbeeld hiervan in die storie van Koning Asa, ‘n regverdige koning en afstammeling van Dawid wat oor Juda geheers het (lees die verhaal in 2 Kronieke 14 tot 16).

Baie stemme in die kerk vandag sê Christene moet ‘n nuwe soort liefde betoon. Hulle praat van ‘n liefde waarin Bybelse waarheid saam met die tye moet verander. Volgens hulle evangelie, is geen persoonlike veranderinge nodig wanneer mense Christus aanvaar nie. Trouens, geen bekering is nodig nie. Liewer, die doel daarvan om hierdie evangelie te bied, is bloot om enige ander hindernis af te breek wat beskou kan word as ‘n struikelblok vir ‘n mens om Christus te aanvaar.

Jesus het gesê Hy het gekom om die verlorenes te soek en te red. Dit was dieselfde Een wat mag gehad het om die winde en golwe te onderwerp, maar Hy het as ‘n nederige dienskneg gekom. Die evangelies sê vir ons Hy het geduldig geluister na die mense se hartverskeurende geroep. Menigtes het by Christus gepleit om hulle te verlos van al hulle verdrukkings en Hy het hulle behoeftes aangespreek. Hy het die siekes genees, die blinde oë geopen, dowe ore oopgemaak, stom tonge losgemaak, en baie kreupeles laat loop.

Wanneer ons vrees oorweldigend word, moet ons onsself herinner aan hoe groot ons God is. Ons moet onthou van al sy groot verlossings vir diegene wat op Hom vertrou het, en dieselfde majestieuse krag vir ons huidige beproewing opeis. Vrees kan nie ‘n vashouplek kry op enige dienaar wat ‘n visie van God se grootheid en majesteit het nie.

Wanneer God se teenwoordigheid in ‘n mens se lewe ontbreek, is dinge buite orde omdat daar geen wet, leiding of regverdige onderwysing is om te dien as riglyne om te leef nie. Elkeen maak sy eie wette en doen sy eie ding. Daar is geen rus of vrede nie want almal doen dit wat hy of sy ook al wil. Sulke wanorde bedroef die Here diep, maar dit hoef nie so te wees nie. Die teenwoordigheid van God bring orde en sy beloftes is onveranderlik. God se Woord belowe, “As jy My soek, sal Ek met jou wees. Wanneer jy uitroep, sal Ek deur jou gevind word.”

Hoeveel van ons verstaan werklik wat dit beteken om deur die Gees van God te wandel, om met die passie van Jesus te leef, om God te vertrou met ‘n geloof wat ru en eg en kragtig is? ‘n Geloof wat geen perke ken en niks vrees nie? ‘n Geloof wat die duiwel in die oë kan kyk en sê, “Jy mag nie verder gaan nie! Jy het geen beheer oor my meer nie! Jy is swak en blootgestel en kragteloos!” ‘n Geloof wat enige berg kan beweeg, maak nie saak hoe hoog of breed of moeilik nie. Dit is die geloof wat God egter vereis van diegene wat sy krag wil beleef.

Een vers in God se Woord sal jou bewaar deur enige en alle gevaarlike tye as jy jou lewe daaraan sal verbind. Geliefdes, omhels hierdie een vers, glo dit ten volle en dit sal ‘n daaglikse kragbron van geloof wees:

“Moet dan nie soos hulle word nie, want jul Vader weet wat julle nodig het voordat julle Hom vra” (Matthéüs 6:8).