Jesus het ‘n gelykenis vertel van ‘n dienskneg wat ‘n groot skuld vergewe was. Hierdie man het genade en barmhartigheid gevind by sy meester, maar hy het dit alles as vanselfspekend aanvaar. Onmiddellik nadat hy vergewe was, het hy uitgegaan en ‘n man wat hom ‘n klein, nietige bedrag geskuld het, begin wurg, terwyl hy eis, “Betaal my wat jy my skuld! – nou!” Toe die skuldenaar die man om genade gevra het, het hy geweier en het die skuldenaar in die tronk laat toesluit.
Selfs as jy sou leef om vyfhonderd jaar oud te word, sou jy nie lank genoeg leef om God te behaag met jou eie krag nie. Miskien het die duiwel jou oortuig dat jy God teleurgestel het en dat jy nooit in staat sal wees om Hom te behaag nie. Maar dit is ‘n leuen, omdat jy gered en vergewe is.
As God se Kerk vandag regverdig is, is dit slegs weens die bloed van Jesus Christus, en nie weens enige goedheid of sedelikheid wat Hy in ons gesien het nie. Sy blote genade het tot ons gekom en ons uit die oordeel uitgeruk.
Francis Chan, die welbekende outeur van Crazy Love en baie ander boeke, het geroepe gevoel deur God om sy megakerk in ‘n lieflike, welgestelde, voorstedelike, Californiese dorp te verlaat. Nadat hy die finansiële sekerheid en gemak verlaat het, het hy ‘n klein groepie gelowiges bymekaargemaak in die hartjie van San Francisco en met ‘n straatbediening begin. Omdat hy so gesaghebbend en bekend was in Christelike kringe, kon hy ‘n paar reklameborde opsit, traktaatjies uitdeel, en sonder moeite ‘n kerk begin met ‘n paar duisend mense.
Paulus het vir die Korinthiërs gesê, “Beklee julle dan, as uitverkorenes van God, heiliges en geliefdes, met innerlike ontferming, goedertierenheid, nederigheid, sagmoedigheid, lankmoedigheid. Verdra mekaar en vergewe mekaar as die een teen die ander ‘n klag het; soos Christus julle vergeef het, so moet julle ook doen. En beklee julle bo dit alles met die liefde wat die band van volmaaktheid is” (Kolossense 3:12-14).
Geliefde, wanneer jy by die kruis kniel, sal jy nie ‘n gerusstellende, sagte woord hoor nie – nie aanvanklik nie. Selfs al is die kruis die enigste deur na die lewe, sal jy hoor van die dood – dood vir alle sonde.
By die kruis beleef jy die krisis van jou lewe en dit is wat kortkom in so baie kerke vandag. Die verkondiging van die kruis bring ‘n krisis van sonde en eie wil teweeg. Dit sal tot jou spreek met liefdevolle, maar ferm woorde oor die gevolge van voortgaan in jou sonde: “Verloën jouself. Gryp die dood van die kruis aan. Volg My!”
“Nader tot God, en Hy sal tot julle nader. Reinig julle hande, julle sondaars, en suiwer die harte, julle dubbelhartiges” (Jakobus 4:8).
Dit is ‘n groot belofte van oorwinning oor alle sonde. Jy kan nie hierdie oorwinning self behaal nie. Jy kan nie jou eie hande reinig of jou eie hart suiwer nie. Jakobus sê in wese, “As jy rein hande en ‘n suiwer hart wil hê – as jy oorwinning wil hê oor skuldgevoelens, versoeking en alle bose vervolgers wat teen jou kom – dan moet jy tot God nader en glo dat Hy by jou is!”
“Hulle kom nader wat skandelike dade najaag, hulle wat ver van u wet af is. U, o HERE, is naby, en al u gebooie is waarheid” (Psalm 119:150-151).
Daar is ‘n heerlike waarheid in hierdie gedeelte wat jou lewe kan verander en vir jou rus en vrede kan gee ver bokant enigiets wat jy al ooit beleef het. Jy sien, wanneer jy eers die waarheid van God se voortdurende nabyheid aan jou verstaan – dat Hy jou liefhet en voortdurend naby jou is – dan moet alle vrees en angs wyk!
“En Hy het my uitgelei in die ruimte; Hy het my gered, omdat Hy behae in my gehad het” (Psalm 18:20).
Watter wonderlike, gerusstellende woorde. Die Vader het ‘n behae in ons! In Dawid se geval, het hy pas deur ‘n verskriklike tyd van beproewing gegaan. Saul het ‘n losprys op sy kop gesit en Dawid het vir sy lewe gevlug. Maar God het bulderend gekom om hom te red en Dawid kon sê, “Die rede waarom God my verlos het van al my vyande, is omdat ek vir Hom kosbaar is. My God het ‘n behae in my!”
Die apostel Paulus het ‘n defnitiewe doel, ‘n visie, ‘n sending gehad – God se sending. Sy doelgerigtheid het hom altyd laat vorentoe beur. Hy het geweet dat hy baie swaarkry sou verduur, maar hy het geleer dat ‘n mens baie lyding kan verdra as jou hart gerig is op ‘n doel. As jou hart gerig is op gemak, kan jy hoegenaamd geen lyding verduur nie.