Afrikaans Devotionals

Ons leef in die laaste dae en die wêreld soos ons dit ken, gaan in ondenkbare duisternis gedompel word. Bybelse profesie word daagliks voor ons oë waar en binnekort sal ons sien hoe Jerusalem omring word deur leërs.

Jesus het gewaarsku dat in die laaste dae, talle valse profete sal opstaan en baie Christene mislei sal word (sien Matthéüs 24:11). Laat my vir jou vertel waarom hulle mislei gaan word: Dit is doodeenvoudig, omdat hulle nie in die Woord van God bly nie! Hulle volg boeke, giere en windmakerige sprekers – maar hulle maak nie die teks van die Bybel oop nie.

“Geliefdes, as God ons so liefgehad het, behoort ons ook mekaar lief te hê” (1 Johannes 4:11). Die liefde vir mekaar wat hier beskryf word, is nie ‘n blote bladskud, ‘n vinnige drukkie of gevleiery nie. Nee, hierdie soort liefde sien mekaar se behoeftes raak en doen iets daaromtrent. Trouens, volgens Johannes, as ons ons broers in nood sien en niks doen nie, is die liefde van God nie in ons nie.

Die kerk van Jesus Christus is vandag magtig geseën deur God, maar tensy die dryfkrag agter enige bediening die algehele afhanklikheid van die Heilige Gees is, is alle pogings futiel. Goeie musiek, welsprekende prediking of oortuigende persoonlikhede is goed, maar slegs die krag en demonstrasie van die Heilige Gees kan mense op hulle knieë bring.

Waarom het God gewag tot Abraham en Sara oud was om vir hulle ‘n seun te gee? Waarom het Hy gewag totdat die situasie menslik onmoontlik geword het en slegs absolute geloof in Hom die belofte kon vervul? Dit was omdat hierdie nageslag heeltemal in geloof gebore moes word.

“[God] wat ons verlos het uit so ‘n groot doodsgevaar en nog verlos; op wie ons hoop dat Hy ook nog sal verlos” (2 Korinthiërs 1:10).

Paulus praat hier van God se verlossende krag – in die verlede, hede en toekoms! Hy sê in wese, “God het ons in die verlede verlos, Hy sal ons nou verlos, en Hy sal ons verlos uit elke toekomstige probleem en beproewing. Ons hoef niks te vrees wat oor ons pad kom nie, want ons weet God sal ons verlos!”

­­­­­“Geen versoeking het julle aangegryp behalwe ‘n menslike nie; maar God is getrou, wat nie sal toelaat dat julle bo julle kragte versoek word nie; maar Hy sal saam met die versoeking ook die uitkoms gee, sodat julle dit sal kan verdra” (1 Korinthiërs 10:13).

Die meeste van ons weet dat Christus die volmaakte model van liefde is. Ons ken die boodskap in 1 Korinthiërs 13 oor die voortreflikheid van liefde en ons weet dat God liefde is. Maar dan probeer ons dwaaslik in ons eie krag méér liefhê. Ons maak goedbedoelde, doelbewuste pogings om selfsugtige gewoontes en ons natuurlike afkeur vir knorrige, onaangename mense te oorwin. Maar as ons onvriendelik optree en mislukking beleef, gaan ons bloot terug na die tekenbord, oortuig dat as ons net harder probeer, of meer Skrifte lees, ons op een of ander manier beter sal word met ander liefhê.

‘n Noodsaaklike skakel ontbreek in baie van ons se lewens, wat dikwels die rede is waarom ons nie antwoorde op ons gebede verkry nie. Geliefde, daardie verlore skakel is geloof. “En sonder geloof is dit onmoontlik om God te behaag; want hy wat tot God gaan, moet glo dat Hy is en ‘n beloner is van die wat Hom soek” (Hebreërs 11:6).

DAWID het dapper verklaar, “God ...is die verlossing van my aangesig” (Psalm 42:11). Wanneer ons van aangesig praat, verwys ons na ‘n gesigsuitdrukking, selfs liggaamstaal en stemtoon. Dawid sê iets baie belangriks hier. Jou gesig is soos ‘n advertensiebord wat adverteer wat in jou hart aangaan – al jou blydskap of onrus word daar weerspieël.

Wanneer jou gedagtes belas is met die sorge die lewe, mag jy ‘n geneigdheid hê om te frons of selfs met hangskouers rond te loop. Op jou beste, mag jy besig lyk, met ‘n fronsende wenkbroue en ‘n hartseer voorkoms.