Die meeste Christene wil die stem van God hoor en ken en God wil sekerlik met sy kinders praat. Maar talle gelowiges se aandag word afgetrek deur ‘n afgod – ‘n gunsteling bedienaar, ‘n leraar of evangelis – wat slegs goeie dinge aan hulle verkondig. Om die Vader se stem te ken, moet ons direk na Hom gaan sonder ‘n middelman.
As volgelinge van Christus, moet ons versigtig wees om nie te val vir ‘n gunsteling strik van Satan nie: dit is om verstrengel te raak in die plofbare kulturele en politiese ingesteldheid wat aan die orde van die dag is in ons wêreld. Soos Satan die wêreld woedend maak vir Christene, probeer hy ons kwaad maak sodat ons vergelding soek. Met ander woorde, hy wil ons diepe vrede in Jesus vervang met stryery, sodat ons die aanslae van verdrukking teëstaan eerder as om dit te verdra ter wille van die evangelie.
‘n Lewe van liefde is die enigste manier om “om [God] in alles te behaag” (Kolossense 1:10). Aangesien God ‘n emosionele wese is, beleef Hy blydskap en droefheid net soos ons. Ons daaglikse woorde en dade kan Hom mishaag of Hom beweeg om oor ons te juig met gejubel. Wat ‘n verstommende gedagte! Vandag kan ek en jy die God van die heelal behaag. Hoewel Hy bokant begrip is, almagtig, alomteenwoordig, en alwetend is, kan sy hart steeds aangeraak word deur ons liefdevolle dade, selfs in gewone aktiwiteite. Wat ander as liefde kan ‘n God van liefde behaag?
Van die grondlegging van die aarde af, het God ‘n liggaam van gelowiges gesien wat aan sy Seun verbind was. Jesus getuig, “Ek was my Vader se daaglikse verlustiging, die blydskap van sy wese. En nou is almal wat hulle na My wend in geloof, ook sy verlustiging!” (sien hierdie profetiese woorde van Christus in Spreuke 8:30-31).
Hoe wys ons ons liefde vir Jesus? Johannes antwoord, “Want dit is die liefde tot God, dat ons sy gebooie bewaar; en sy gebooie is nie swaar nie” (1 Johannes 5:3).
Ons aardse liefdes fluktueer, soms daagliks, en gaan van warm en vurig na louwarm en selfs koud soos ons emosies verander. Net soos die dissipels, kan ons gereed wees om te sterf vir Jesus op een dag en Hom verlaat en weghardloop die volgende dag. Ons kan vir die Here sê ons vertrou Hom om in al ons behoeftes te voorsien en tog twyfel en vrees toelaat wanneer ons omstandighede verander.
Baie Christene praat oor intimiteit met die Here, om met Hom te wandel, Hom te ken en gemeenskap met Hom te hê. Maar ons kan nie ware gemeenskap met God hê nie, tensy ons die volle openbaring van sy liefde, genade en barmhartigheid in ons harte ontvang.
Gemeenskap met God bestaan uit twee dinge: Die liefde van die Vader ontvang, en Hom terug lief te hê. Om verseker te wees van sy liefde, is die eerste stap. Jy kan ure per dag in gebed deurbring en vir die Here vertel hoe lief jy Hom het, maar as jy nie sy liefde ontvang het nie, het jy nog nie gemeenskap met Hom gehad nie.
Slegs een ding kan ons aan die gang hou in die komende moeilike tye en dit is ‘n begrip van God se heerlikheid. Deur dit te begryp, sluit ons die deur oop na ‘n oorwinnende lewe!
Die heerlikheid van God is ‘n openbaring van ons Here se natuur en wese. In die Ou Testament, het Moses ‘n letterlike kykie na God se heerlikheid gekry. “En toe die Here by hom verbygaan, het Hy geroep: Here, Here, barmhartige en genadige God, lankmoedig en groot van goedertierenheid en trou; wat die goedertierenheid bewaar vir duisende, wat ongeregtigheid en oortreding en sonde vergewe” (Exodus 34:6-7).
Toe die Here na die aarde toe gekom het om onder ons te wandel, het Hy ‘n baie spesifieke doel gehad, een wat voor die grondlegging van die aarde vasgestel is. Hy het gekom met die sending om ons van die Vader te leer, om magtige werke te doen, om ons van sonde te red en om ons van alle slawerny te verlos.
Daardie soort Verlosser sal natuurlik die aandag van hierdie wêreld se heersende magte trek, maar ten spyte van al die dodelike hindernisse wat deur die mense en Satan teen Hom opgestel was, was Jesus in staat om sy doel te bereik.
Bly sterk wanneer dit lyk of God stil is tydens gebed, want die oorwinning is steeds joune. Dit is nog nie van jou af weggeneem nie; jy is nie afgesny van die lewe van God net oor ‘n paar foute langs die pad nie, want dit is nie hoe God werk nie. Bekeer jou bloot tot Hom soos Koning Dawid het – met jou hele hart.
Koning Dawid het dikwels sy droefheid en stryd uitgedruk, “Ag, had ek maar vlerke soos ‘n duif, dan sou ek wegvlieg en wegbly . . . Gou sou ek vir my ‘n skuilplek soek” (Psalm 55:7,9). Soms het Dawid se droefheid hom na trane gedryf het en hy het sy wanhoop welsprekend uitgedruk.