“Verbly julle altyd in die Here; ek herhaal: verbly julle” (Filippense 4:4).

“Nie dat ek dit uit gebrek sê nie, want ek het geleer om vergenoeg te wees met die omstandighede waarin ek is. Ek weet om verneder te word, ek weet ook om oorvloed te hê; in elke opsig en in alle dinge is ek onderrig: om versadig te word sowel as om honger te ly, om oorvloed te hê sowel as om gebrek te ly. Ek is tot alles in staat deur Christus wat my krag gee” (4:11-13).

Ek was net twee-en-twintig toe God in my hart sy wil vir my meegedeel het om ‘n evangelis te word. Hy het my beveel om my verlede en my getuienis te gebruik om sondaars te trek om tot saligheid te kom en sedert daardie tyd, het ek getrou gebly aan daardie roeping. Soms het ek moeg geword om my storie te vertel en ek het gewens God kon my gebruik vir ‘n ander doel. Dit is moeilik om die herinneringe oor en oor te herleef.

‘n Jong herder het my geskakel, gereed om uit die bediening te bedank. Die Here het hom op ‘n wonderlike manier gebruik, maar nou was hy moedeloos en het waardeloos, nutteloos en nikswerd vir God gevoel. Toe hy my geskakel het, was hy verpletter oor ‘n paar besluite wat hy geneem het en hy het aangedui hy was gereed om op te gee. Hy was kwaad vir God en toe hy met my gepraat het, het ek agtergekom dat hy van my verwag het om ook kwaad te wees vir hom. Maar hy was so gebroke en neerslagtig, dat ek net God se liefde en deernis vir hom gevoel het.

In Johannes 13, het Jesus ‘n handdoek en ‘n bak geneem en die voete van Sy dissipels gewas.

“As Ek dan, die Here en die Meester, julle voete gewas het, is hulle ook verplig om mekaar se voete te was” (Johannes 13:14). Nadat Jesus die dissipels se voete gewas het, het Hy Sy kleed weer aangetrek, gaan sit en vir hulle gevra, “Weet jy wat ek pas vir julle gedoen het?” Met ander woorde, “Verstaan julle die geestelike betekenis van voete was?”

“Jy, ellendige, deur storms gejaagde, ongetrooste! Kyk, Ek lê jou stene in sierklei, en Ek grondves jou in saffiere; en jou borswerings maak Ek van robyne en jou poorte van karbonkels en jou hele ringmuur van edelgesteentes. En al jou kinders sal deur die HERE geleer wees, en die vrede van jou kinders sal groot wees” (Jesaja 54:11-13).

Die geheim om te verstaan hoe God ons van verdrukkinge verlos, is om te bestudeer hoe Hy Israel uit hulle slawerny verlos het

“Maar al hierdie dinge het hulle oorgekom as voorbeelde en is opgeskrywe as 'n waarskuwing aan ons” (1 Korinthiërs 10:11).

Alles wat met Israel gebeur het – hulle slawerny, hulle beproewings, hulle verlossing uit Egipte – is getuienisse, patrone en voorbeelde vir ons vandag. Trouens, Israel se fisiese verlossing verteenwoordig die geestelike verlossing wat ons moet beleef.

“Verbly julle altyd in die Here; ek herhaal: Verbly julle! Laat julle vriendelikheid aan alle mense bekend word. Die Here is naby. Wees oor niks besorg nie, maar laat julle begeertes in alles deur gebed en smeking met danksegging bekend word by God. En die vrede van God, wat alle verstand te bowe gaan, sal julle harte en sinne bewaar in Christus Jesus. Verder, broeders, alles wat waar is, alles wat eerbaar is, alles wat regverdig is, alles was rein is, alles wat lieflik is, alles wat loflik is – watter deug en watter lof daar ook mag wees, bedink dit” (Filippense 4:4-8).

Ons leef in die laaste dae en die wêreld soos ons dit ken, gaan in ondenkbare duisternis gedompel word. Bybelse profesie word daagliks voor ons oë waar en binnekort sal ons sien hoe Jerusalem omring word deur leërs.

Jesus het gewaarsku dat in die laaste dae, talle valse profete sal opstaan en baie Christene mislei sal word (sien Matthéüs 24:11). Laat my vir jou vertel waarom hulle mislei gaan word: Dit is doodeenvoudig, omdat hulle nie in die Woord van God bly nie! Hulle volg boeke, giere en windmakerige sprekers – maar hulle maak nie die teks van die Bybel oop nie.

“Geliefdes, as God ons so liefgehad het, behoort ons ook mekaar lief te hê” (1 Johannes 4:11). Die liefde vir mekaar wat hier beskryf word, is nie ‘n blote bladskud, ‘n vinnige drukkie of gevleiery nie. Nee, hierdie soort liefde sien mekaar se behoeftes raak en doen iets daaromtrent. Trouens, volgens Johannes, as ons ons broers in nood sien en niks doen nie, is die liefde van God nie in ons nie.

Die kerk van Jesus Christus is vandag magtig geseën deur God, maar tensy die dryfkrag agter enige bediening die algehele afhanklikheid van die Heilige Gees is, is alle pogings futiel. Goeie musiek, welsprekende prediking of oortuigende persoonlikhede is goed, maar slegs die krag en demonstrasie van die Heilige Gees kan mense op hulle knieë bring.