Sommige van julle wat die Here al vir ‘n lang ruk ken, mag dalk by die punt gekom het waar jy voel asof jy oorgeslaan word. Jy besit ‘n wye Bybelse kennis, jy ken die Hebreeuse betekenisse van woorde, en jy het ‘n geskiedenis met God. Maar langs jou is ‘n opgewonde Christen wat eenvoudig glo dat alle dinge moontlik is by God. Hy het miskien ‘n kwart van jou kennis, maar hy dring in iets in wat jou lank ontwyk het – iets wat God vir jou gesê het, maar jy kon dit moeilik glo.
Die Woord van God openbaar aan ons hoe God ons verlos van die najaag van sonde in ons lewens.
“Immers, sy goddelike krag het ons alles geskenk wat tot die lewe en godsvrug dien, deur die kennis van Hom wat ons geroep het deur sy heerlikheid en deug, waardeur Hy ons die grootste en kosbare beloftes geskenk het, sodat julle daardeur deelgenote kan word van die goddelike natuur, nadat julle die verdorwenheid ontvlug het wat deur begeerlikheid in die wêreld is” (2 Peter 1:3-4).
God se kinders het ‘n belangrike vraag wat voor hulle staan in hierdie laaste dae. Glo jy God is in staat om jou deur te dra terwyl die fondamente van die wêreld geskud word? Satan is soos ‘n brullende leeu, en oral is daar verwarring, geweld, en onsekerheid.
Diegene wat op die Here vertrou, en hulle vertroue op Hom rig en vestig, sal stil staan en God se verlossing sien – met harte en gedagtes vol vrede. Hulle sal gerus wees, onaangeraak wees deur geweld en vrees, en slaap sonder om bang te wees vir toestande rondom hulle, terwyl hulle juig met hoop!
Die oomblik waarop ons oorgee aan Christus en onsself toewy aan absolute gehoorsaamheid aan Hom, word ‘n wonderlike krag in ons innerlike mens vrygestel. Vrees van wat mense aan ons kan doen, verdwyn. Daar is geen vreesagtigheid meer teenoor God of die hel of straf nie. En in plaas van hartseer, pyn, moeilikheid en angs, oorstroom die Gees van God ons met nuwe lig, nuwe hoop, groot blydskap, heerlike vrede, en oorvloedige geloof.
As ons die kwessie beskou om ons passie vir Christus te laat toeneem, moet ons kyk na Christus se lering oor nederigheid. Wie homself verhoog, sal verneder word, en wie homself verneder, sal verhoog word” (Matthéüs 23:12). Jesus het pas die Fariseërs bestraf oor hulle hoogmoedige optrede (23:5-7). Hulle ken die Skrifte en kan die Woord interpreteer vir die massas, maar hulle eie lewens skiet ver te kort.
Ons almal hou daarvan om preke te hoor en boeke te lees oor God se seëninge. Dit is waar dat God ‘n vrygewige natuur het en dit kan ons van hulp wees om meer daarvan te leer. Maar ons wandel met Christus moet ons verander van ‘n “ontvangende” lewe na ‘n “vrygewige” lewe. Jesus bewerkstellig hierdie verandering in ons deur ons wêreldse gees met sy eie goddelike Gees te vervang. Hy sê vir ons, “Julle is deur My geseën. En nou moet julle daardie seëninge weggee aan ander.”
Ons sien ‘n heerlike beeld van genade met God se ingryping in Sodom toe Hy letterlik Lot en sy familie gegryp het en hulle uit die stad uitgesleep het. “Maar hy het nog getalm. Toe gryp die manne [engele] hom en sy vrou en sy twee dogters aan die hand, omdat die HERE hom wou verskoon; en hulle lei hom uit en bring hom buitekant die stad” (Génesis 19:16).
Veronderstel dat ‘n boksafrigter sy bokser na ‘n afgesonderde afrigtingskamp sou neem en ‘n hele sessie deurbring om hom op te sweep vir die groot geveg.
"Moenie bekommerd wees nie! Ek sal heeltyd by jou wees! Hier is ‘n lys van al die beroemde boksers van die verlede. Bestudeer net elke beweging wat hulle gemaak het en dan hoef jy nie self deur moeilike oefensessies te gaan nie. Jy is ‘n wenner en as jy my raad volg en die diagramme memoriseer wat ek vir jou gemaak het, kan jy teen enigeen in die ring klim en hom wen!”!"
“Hy wat God nie glo nie, het Hom tot leuenaar gemaak, omdat hy die getuienis nie geglo het wat God aangaande sy Seun getuig het nie” (1 Johannes 5:10).
Beskou al die gruwelike sondes teen Israel opgeskryf in die wildernis – murmurering, klaery, afgodery, ondankbaarheid, wederstrewigheid en sensualiteit. Nie een van hierdie sondes het egter God se toorn uitgelok soos hulle ongeloof nie. “Daarop het die HERE aan Moses gesê: Hoe lank sal hierdie volk My verag? En hoe lank sal hulle in My nie glo nie, ondanks al die tekens wat Ek onder hulle gedoen het?” (Númeri 14:11).
Baie Christene verrig ‘n hele katalogus vol van sondes, maar een van hulle – ongeloof – gee geboorte aan alle ander. Nie die ongeloof van agnostici en ateïste nie, maar ongeloof en knellende twyfel van diegene wat hulleself verbind met Sy naam! Diegene wat Sy kinders is, wat sê, “Ek is van Jesus” en steeds twyfel, vrees en ongeloof in hulle harte het. Dit bedroef ons Vader baie diep.