God het vir sy kinders ‘n heerlike rus belowe wat vrede vir die siel insluit. Ongelukkig het baie Christene geen begrip van wat dit beteken om te rus in hulle verlossing nie. Hulle besit nie die vrede wat tot alle Christene se beskikking is in Jesus Christus, die vrede wat hulle deur enige storm kan dra nie.

Jesus het gesê, “Kom na My toe almal wat vermoeid en belas is, en Ek sal julle rus gee. Neem my juk op julle en leer van My, want Ek is sagmoedig en nederig van hart, en jule sal rus vind vir julle siele; want my juk is sag en my las is lig” (Matthéüs 11:28-30).

“Dat ons nie op onsself sou vertrou nie, maar op God wat die dode opwek” (2 Korinthiërs 1:9). Die apostel Paulus het hierdie woorde geskryf toe hy raadop was. Hy het in wese gesê, “Die Here het my gebring tot aan die einde van enige menslike hulp. Dit was ‘n plek so hopeloos dat slegs die God van opstandingskrag my kon red!”

Nadat Adam en Eva die verbode vrugte in die Tuin van Eden geëet het, het hulle vir God weggekruip toe hulle Hom in die tuin hoor wandel in die koelte van die dag (sien Génesis 3:8). En nadat Dawid met die vrou van een van van sy hoofkrygers gesondig het en toe gereël het dat die man in die oorlog gedood word, sodat hy met dieselfde vrou kon trou, sien ons Dawid in homself gekeer geraak het. Hy het geweier om oorlog toe te gaan en in plaas daarvan, in die paleis weggekruip. Hy het sy veglus verloor en was bang om God in die oë te kyk met onbelyde sonde.

Een van die bedienings wat die nodigste is in die kerk van Christus vandag, is dié van vertroosting – om ander te troos in hulle probleme en verdrukkings. Baie gelowiges weet eenvoudig nie waarheen om gaan as hulle ly nie.

Die bekende skrifgedeelte wat Jesus se doel op aarde beskryf, vind ons in Lukas 4:18-19: “Die Gees van die Here is op my, omdat Hy My gesalf het om die evangelie aan die armes te bring. Hy het My gestuur om die wat verbryseld van hart is, te genees; om aan gevangenes vrylating te verkondig en aan blindes herstel van gesig; om die wat gebroke is, in vryheid weg te stuur; om die aangename jaar van die Here aan te kondig.”

Oud word in die wêreld is vreesaanjaend, maar in die Liggaam van Christus, word krag aan ouderdom gegee – ‘n krag groter as profetering en die sien van visioene. Aan die einde van die lewe, is die mense wat jy liefhet, diegene die naaste aan jou, en diegene wat God onder jou sorg geplaas het, die belangrikste.

“As ons deur die Gees lewe, laat ons ook deur die Gees wandel” (Galasiërs 5:25). Baie van ons hoor hierdie uitdrukking, “wandel deur die Gees,”ons hele lewe lank, maar wat beteken dit? Ek glo dit beteken ontsaglike, duidelike leiding en helder besluite. Die Heilige Gees verleen absolute, duidelik gedetailleerde instruksies vir hulle wat deur Hom wandel.

Die bekende gelykenis van die saaier handel oor geduld. Nie geduld teenoor mense nie maar geduld teenoor God. Jy onthou Jesus praat oor die saad, reg? Sommige het op die pad geval; sommige het op die rots geval; sommige het tussen die dorings geval . . . en ander het op goeie grond geval. Kom ons kyk na Jesus se verduideliking:

In die verlede, het Christene hoofsaaklik aan verlossing gedink as fisiek, maar binnekort sal mense uitvind dat hulle verlos moet word van vrees en angs. Wanneer daardie tyd aanbreek, sal verlossing beteken om “’n betroubare woord uit die hemel te hê.” Wanneer verskriklike dinge begin gebeur, sal mense angstig wees om te weet wat God volgende gaan doen. Hulle sal hulle na alle rigtings wend en die stem van iemand wil hoor wat kalm, vredevol en stabiel is. Hulle sal uitroep, “Is dit God se oordeel? Wanneer gaan dit ophou?”

Daar is iets baie kragtig en wonderlik aan die gang in die wêreld vandag. God is besig om ‘n verborge, stille werk te doen, iets so bonatuurlik dat dit bokant menslike begrip is. Hy is besig om ‘n klein maar magtige leër van Christene gereed te maak wat die mees toegewyde leër op die hele aarde sal wees. Die Here gaan die eeue afsluit met ‘n rein, toegewyde, vreeslose oorblyfsel.