Die bekende gelykenis van die saaier handel oor geduld. Nie geduld teenoor mense nie maar geduld teenoor God. Jy onthou Jesus praat oor die saad, reg? Sommige het op die pad geval; sommige het op die rots geval; sommige het tussen die dorings geval . . . en ander het op goeie grond geval. Kom ons kyk na Jesus se verduideliking:
In die verlede, het Christene hoofsaaklik aan verlossing gedink as fisiek, maar binnekort sal mense uitvind dat hulle verlos moet word van vrees en angs. Wanneer daardie tyd aanbreek, sal verlossing beteken om “’n betroubare woord uit die hemel te hê.” Wanneer verskriklike dinge begin gebeur, sal mense angstig wees om te weet wat God volgende gaan doen. Hulle sal hulle na alle rigtings wend en die stem van iemand wil hoor wat kalm, vredevol en stabiel is. Hulle sal uitroep, “Is dit God se oordeel? Wanneer gaan dit ophou?”
Daar is iets baie kragtig en wonderlik aan die gang in die wêreld vandag. God is besig om ‘n verborge, stille werk te doen, iets so bonatuurlik dat dit bokant menslike begrip is. Hy is besig om ‘n klein maar magtige leër van Christene gereed te maak wat die mees toegewyde leër op die hele aarde sal wees. Die Here gaan die eeue afsluit met ‘n rein, toegewyde, vreeslose oorblyfsel.
“Want alhoewel ek van almal vry was, het ek my aan almal diensbaar gemaak om soveel van hulle as moontlik te win” (1 Korinthiërs 9:19). In hierdie vers sien ons dat Paulus begin om sy missie in die lewe te verstaan – om siele te wen vir Jesus Christus! In vers 16 sê hy, “en wee my as ek die evangelie nie verkondig nie!”
Die wêreld aanvaar nie langer ‘n geloofstelstel ingewortel in tradisie en selfvoldaanheid nie, dit is, “kerk doen” die manier waarop ons dit nog altyd gedoen het. Die volgende geslag sal óf die krag van God sien werk in hulle lewens op werklike, tasbare maniere, óf hulle sal geen nut hê vir ons boodskap en geen belangstelling toon om ons Verlosser te volg nie.
As jy dink jy is te alledaags vir God om te gebruik, luister aandagtig: God sal nie Sy laaste-dag werk doen deur groot-naam evangeliste of herders nie. Hulle alleen sal nie in staat wees om die groot beweging van Sy Gees te hanteer nie. God gaan elke huisvrou, tiener, bejaarde en almal wat Hom liefhet, nodig hê om Sy magtige werk te doen!
‘n Man het eenkeer vir my gesê, “Nadat ek my 10 persent gegee het, kan ek doen wat ek wil met die res. En ek verwag God om my te seën soos Hy belowe het – omdat ek my tiende gegee het.”
My ervaring het gewys dat as ‘n mens suinig is met sy gawes, sal hy ook suinig wees met sy tyd, sy energie en sy werk vir die Here. Maar ek wil vir jou sê, as jy suinig is met God, sal God suinig wees met jou. Daarmee bedoel ek dat jy jouself afsny van God se seën deur jou aksies en jou gesindheid.
Die woorde wat jy spreek weerspieël wat in jou hart is! “Want uit die oorvloed van die hart praat die mond” (Matthéüs 12:34).
Wanneer ek ook al as kind iets stouts gesê het, het my moeder my mond met seep uitgewas. Maar dit was nie my mond wat reiniging nodig gehad het nie, dit was my hart! Jy sien, jou tong spreek slegs wat in jou hart is. Jesus het gesê dat los, onbedagsame, goddelose praatjies slegs uit ‘n goddelose, onrein hart kom!
God het nooit bedoel dat ons, as sy kinders, geestelike behoeftiges, arm in die dinge van die Here moet wees nie. In teendeel, Hy wil hê ons moet sy milddadige dienaars wees, wat ‘n openbaring geniet van die groot voorsiening wat God vir ons voorberei het!
“Maar soos geskrywe is: “Wat die oog nie gesien en die oor nie gehoor en in die hart van ‘n mens nie opgekom het nie, wat God berei het vir die wat Hom liefhet. Maar God het dit aan ons deur sy Gees geopenbaar, want die Gees ondersoek alle dinge, ook die dieptes van God” (1 Korinthiërs 2:9-10).
Het jy al ooit gevoel of jy in ‘n put geval het? Jou “put” kan ‘n moeilike verhouding, ‘n finansiële gat, of ‘n siekte wees waarteen jy al ‘n lang tyd stry. Jou eens intieme wandel met Christus voel soos ‘n droom van lank gelede en jy word versoek om terug te val in ‘n ou sondige gewoonte of ongesonde lewenspatroon. Wel, wees bemoedig! God het iets kragtigs om aan jou te sê oor waar jy tans is.