Die apostel Paul was ‘n vreeslose mens. Hoe het hy sulke vrymoedigheid en blydskap te midde van swaarkry, onsekerheid en teëstand gekry? En hoe kan ons dieselfde kry in die tyd waarin ons lewe?
Eerstens, wanneer jy ly vir ander se pyn, sal God vir jou blydskap bring! Vandag ly talle mense weens iets – ‘n verlore werk; ‘n verwarde of verslae eggenoot; ‘n voortslepende siekte; ‘n geliefde wat ly deur armoede.
Wanneer ons oë deur Jesus oopgemaak word — wanneer ons mense sien soos wat Hy hulle sien – kan ons nie langer stilsit terwyl lydende siele rondom ons doelloos deur die lewe ronddwaal nie. Deernis vir die verlorenes kan nie saam met selvoldaanheid bestaan nie. Apatie is nie langer ‘n opsie nie.
Terwyl Dawid met geloof gebid het, het hy hierdie waarheid in besit geneem: “Laat die waterstroom nie oor my loop en die diepte my nie verslind nie, en laat die put sy mond bo my nie toesluit nie” (Psalm 69:16). Dit is nie ongewoon vir selfs die goddelikste persoon om probleme soos stygende vloedstrome te beleef nie. Soos Dawid, kan ons verdiep wees in God se woord, getrou bid en toegewy wees aan die Here, maar steeds oorweldig voel deur die dreunende golwe van vrees.
Ons bediening het ‘n webwerf waarin ons boodskappe van Christene regoor die wêreld ontvang. Tans skryf gelowiges in verskeie lande dieselfde ding: Vrees kry ‘n houvas. Soos in die Skrif geprofeteer is, skud God alles wat kan wankel en dit is moeilik om die onrus wat tans in die wêreld plaasvind te peil.
Te midde van dit alles, versprei angs en Christene is nie immuun daarteen nie. Talle skryf oor groot storms in hulle lewens: finansiële krisisse, familie-spanning, depressie, hartseer. Sommig word ongelooflik oorweldig – en die probleme lyk of dit nie ophou nie.
Wanneer ‘n man (of vrou) van God gevorm word, sal die vyandige magte met groot woede teen hom kom.
Drink jy ‘n bitter beker van lyding en verduur jy vreesaanjaende uur van isolasie en verwarring? Indien wel, dring ek by jou aan om ‘n stand met geloof in te neem: “Want ek weet in wie ek geglo het, en ek is oortuig dat Hy mag het om my pand te bewaar tot dié dag toe” (2 Timótheüs 1:12).
Jesus het in Getsémané gesê, “My siel is diep bedroef tot die dood toe” (Matthéüs 26:38). Kan jy jou indink dat die Seun van God ‘n nag van verwarring beleef het? Het Hy nie geweet dat Hy op die punt was om algehele oorwinning oor die hel en die dood te behaal nie? Het Hy nie ‘n aangebore gevoel van leiding en roeping gehad, met die wete dat die Vader met Hom was nie?
Wanneer die Gees ons dring om in liefde te praat, moet ons dit doen. Onlangs was ek en my vrou, Kelly, uit vir ete, toe ek gedring was om vir een van die kelners in ons omgewing te sê, dat Jesus hom liefhet. Hy het nie geantwoord nie, maar later het ek gesien hoe hy van die ander personeel vertel wat ek gesê het en dit het ‘n paar nuuskierige kyke na ons kant toe ontlok. Toe het ‘n interessante ding gebeur. Terwyl ons op pad uit was, het ‘n ander kelner my voorgekeer en gevra of ek vir hom sal bid!
Wanneer God sê, “Ek gaan jou lewe gebruik tot my eer,” vergeet ons dikwels dat ‘n swaard nie gevorm word op ‘n hangmat nie, dit word gevorm op ‘n aambeeld. Daar gaan hitte, ‘n gehamer, gebuig en vervorming wees. Dit is alles nodig, en dit gaan tyd in beslag neem. In die proses, roep ons uit, “Here, ek het gedink U sê U gaan my lewe gebruik, maar al wat ek doen is om deur vuur te gaan. O, Jesus, help my!”
Die Here antwoord jou, “Ek het vir jou gesê Ek gaan jou lewe tot my eer gebruik! Maar Ek gaan jou nie gebruik tot jy gereed is nie.”
Wanneer ek van algehele vertroue in Christus praat, bedoel ek nie net in sy reddende krag nie, maar ook in sy bewarende krag. Ons moet sy Gees vertrou om ons te bewaar en ons te verander na Jesus se beeld.
Eens was jy vervreemd en afgesny van God deur slegte dade. Watter goeie dade het jy gedoen om dinge met Hom reg te maak? Geen! Niemand was al ooit in staat om homself heilig te maak of te hou nie. Ons word in Christus se heiligheid ingebring deur geloof alleen, terwyl ons vertrou op wat God se Woord sê: “As jy in Christus is, is jy heilig soos wat Hy heilig is.”
Ons weet almal dat God Israel bonatuurlik sou red. By die brandende bos, was Moses gereed om God te vertrou om daardie glorieryke werk te volbring. Hy sou iets van God se natuur leer wat hom later sou help om die Here te vertrou om alles in vervulling te bring. Wat was daardie aspek van God se natuur? Sy heiligheid!