In Lukas 4:18-19 haal Jesus die woorde van Jesaja 61:1 aan en sê, “Die Gees van die Here is op My, omdat Hy My gesalf het om die evangelie aan die armes te bring. Hy het My gestuur om die wat verbryseld van hart is, te genees; om aan gevangenes vrylating te verkondig en aan blindes herstel van gesig; om die wat gebroke is, in vryheid weg te stuur; om die aangename jaar van die Here aan te kondig” (Afrikaans 1953).
Petrus het ‘n kragtige boodskap aan die mense in Jerusalem verkondig en hulle harte was aangeraak toe hulle God se Woord hoor en hulle sonde besef. Petrus het hulle beveel, “Bekeer julle, en laat elkeen van julle gedoop word in die Naam van Jesus Christus tot vergewing van sondes, en julle sal die gawe van die Heilige Gees ontvang” (Handelinge 2:38).
“MAAR oor die tye en geleenthede, broeders, het julle nie nodig dat aan julle geskryf word nie; want julle weet self baie goed dat die dag van die Here kom net soos ’n dief in die nag” (1 Thessalonicense 5:1-2).
“Vrede laat Ek vir julle na, my vrede gee Ek aan julle” (Johannes 14:27).
Ons weet dat Christus kwaad kon word en soms was Hy aangedaan tot trane. Maar Hy het sy lewe op hierdie aarde gelei as ‘n man van vrede. Hy het vrede gehad met die Vader, vrede tydens versoeking, vrede in tye van verwerping en bespotting. Hy het self vrede gehad tydens storms op die see en het op die dek van die boot geslaap terwyl ander gesidder het van vrees.
Ons sien teenspoed op ‘n skaal wat nog nooit tevore beleef was nie: orkane, brande, oorstromings, droogtes, nasionale onrus. Vrees en wanhoop heers oral en selfs die skeptieste analiste sê dat ons reeds die begin van die Derde Wêreldoorlog beleef.
Baie van ons het ‘n verkeerde idee van wat dit is “om in God se teenwoordigheid te wees.” Ons is geneig om daaraan te dink as ‘n gevoel of ‘n emosie of ‘n bonatuurlike oomblik. Al hierdie dinge kan God se teenwoordigheid vergesel, maar dit word nie daardeur gedefinieer nie. God se teenwoordigheid is bloot Hy self, sy wese.
Sagaria 4:6 sê, “Toe antwoord hy en sê vir my: Dit is die woord van die HERE aan Serubbábel, naamlik: Nie deur krag of deur geweld nie, maar deur my Gees, sê die HERE van die leërskare”
In tye van rampspoed, mag ons wonder, “Waarop is die Here se oë gefokus in al hierdie dinge?” Ons kan seker wees dat God nie gefokus is op die wilde planne van onbesonne leiers, maak nie saak hoe magtig hulle is nie. “Hy maak die vorste tot niet, die heersers van die aarde verander Hy in nietigheid ... Hy blaas op hulle, sodat hulle verdor, en die storm voer hulle weg soos ’n stoppel” (Jesaja 40:23-24).
Jakobus het gesê, “Maar as julle bittere afguns en selfsug in julle harte het, moenie roem en lieg teen die waarheid nie” (Jakobus 3:14).
As boodskappers van Christus se evangelie, kan ons eenvoudig nie aan jaloesie of afguns vashou nie. Jakobus maak dit duidelik dat dit ons sal verhinder om ‘n getuienis met geestelike gesag te hê omdat ons ‘n leuen leef.
Ons vertroue in God behaag Hom, en ons word soos Abraham as regverdig gereken omdat ons gehoor gee aan die oproep om al ons môres in sy hande oor te gee (sien Romeine 4:3). Jesus roep ons ook tot hierdie manier van lewe. “Daarom moet julle jul nie kwel en sê: Wat sal ons eet, of wat sal ons drink, of wat sal ons aantrek nie? Want na al hierdie dinge soek die heidene; want julle hemelse Vader weet dat julle al hierdie dinge nodig het. Maar soek eers die koninkryk van God en sy geregtigheid, en al hierdie dinge sal vir julle bygevoeg word” (Matthéüs 6:31-33).