As jy Jesus al ooit werklik liefgehad en gevolg het, maar nou koud en onverskillig geword het, praat die Heilige Gees met jou en nooi jou uit om terug te keer na die genadige arms van Christus. Luister asseblief na wat die Heilige Gees sê: “Wie ‘n oor het, laat hom hoor wat die Gees aan die gemeentes sê” (Openbaring 2:7).
“Maar God is ryk in barmhartigheid en het ons innig lief. Deur sy groot liefde het Hy ons wat dood was as gevolg van ons oortredings, saam met Christus lewend gemaak. Uit genade is julle gered! Ja, in Christus Jesus het Hy ons saam met Hom opgewek uit die dood en ons saam met Hom ‘n plek in die hemel gegee” (Efésiërs 2:4-6).
“Weet jy dit nie? Of het jy dit nie gehoor nie? 'n Ewige God is die Here, Skepper van die eindes van die aarde; Hy word nie moeg of mat nie; daar is geen deurgronding van sy verstand nie. Hy gee die vermoeide krag en vermenigvuldig sterkte vir die wat geen kragte het nie. Die jonges word moeg en mat, en die jongmanne struikel selfs; maar die wat op die Here wag, kry nuwe krag; hulle vaar op met vleuels soos die arende; hulle hardloop en word nie moeg nie, hulle wandel en word nie mat nie” (Isaiah 40:28-31).
Ons kan Jesus nie behoorlik dien as ons nie die diepte van sy liefde vir ons ken nie. Soos Johannes skryf. “Ons het Hom lief, omdat Hy ons eerste liefgehad het” (1 Johannes 4:19). Ons moet die Here se liefde absoluut in ons harte ontvang – en dit is noodsaaklik dat ons Hom terug liefhet.
Die wyse om kragtig en effektief te wees, is deur vurige gebed. Die nag toe Jesus in gebed geworstel het met sy opdrag om aan die kruis te sterf, kon sy dissipels nie hul oë oophou nie, en nog minder Hom in gebed ondersteun. Daarom het Jesus vir hulle gesê: “Waak en bid, dat julle nie in versoeking kom nie. Die gees is wel gewillig, maar die vlees is swak” (Matthéüs 26:41).
As ons vandag na die Christelike omgewing kyk, sien ons baie kerke wat groot dinge vir God doen – mense vind Christus en word gedoop, gebedsbyeenkomste bring God se seëninge neer en ‘n gees van liefde oorheers die atmosfeer. Die Gees van Christus is in daardie kerke en opgewondenheid is in die lug.
Maar ons kan ook kerke sien wat Jesus Christus waarskynlik ‘n slegte naam gee. Hulle is lou en bring oneer aan die Here vanweë hul optrede en gesindhede. Die onvermydelike tekens dat God se Gees in beheer is, is afwesig; trouens, ‘n dodelike geestelike koue vul die lug.
Een van die grootste laste wat ek as ‘n herder van die Here het, is, “O, God, hoe bring ek hoop en vertroosting vir gelowiges wat deur groot pyn en lyding gaan? Gee vir my ‘n boodskap wat hulle twyfel en vrees sal wegneem. Gee vir my waarheid wat die trane van die bedroefdes sal laat opdroog en ‘n lied op die lippe van die hopeloses sal sit.”
Die boodskap wat ek van die Heilige Gees vir God se kinders hoor, is baie eenvoudig: “Gaan na my Woord en staan op my beloftes. Verwerp gevoelens van twyfel.” Alle hoop word uit God se beloftes gebore.
Kaleb, wie se naam “kragdadig, lewensmoed” beteken, is ‘n soort Christen wat die hele pad gaan! Hy was onafskeidbaar van Josua, ‘n tipe Christus, en verteenwoordig een wat heeltyd met die Here wandel.
Diegene wat kies om op middelgrond te leef, het sekere eienskappe in gemeen. Die eienskappe van die twee en ‘n halwe stamme (Ruben, Gad en die helfte van Manasse) kan ook vandag gevind word in diegene wat weier om hulle afgode te vernietig en te sterf vir die wêreld. Hulle Hebreeuse name stel hulle aan die kaak.
“Geseënd is die God en Vader van onse Here Jesus Christus, wat ons geseën het met alle geestelike seëninge in die hemele in Christus” (Efésiërs 1:3). Paulus sê in wese vir ons, “Almal wat Jesus volg, is geseënd met geestelike seëninge in die hemel, waar Christus us.” Wat ‘n fenomenale belofte aan God se kinders.
Hierdie belofte is egter net woorde as ons nie weet wat hierdie geestelike seëninge is nie. Hoe kan ons die seëninge van God geniet as ons dit nie verstaan nie?