Afrikaans Devotionals

Ons weet dat Jesus vir ons die oorwinning aan die kruis behaal het toe Hy die dood, Satan en die mag van sonde oorwin het. Die vraag vir ons as gelowiges is, “Wat nou? Ek weet Jesus het my oorwinning aan die kruis behaal, maar waar is hierdie oorwinning in die konflik wat tans in my lewe woed?

Toe Jesus jou Verlosser geword het, het Hy jou ‘n nuwe skepsel gemaak maar hoewel jy verander was, het die wêreld dieselfde gebly. En as gevolg hiervan, is daar magte wat hulleself teen jou opstel – die wêreld, die duiwel en selfs jou eie vlees – wat teen jou gees oorlog voer.

Die geskrifte van die apostel Paulus wys baie duidelik daarop dat dit sy uitnemende begeerte in die lewe was om Jesus te ken. Hy wou ten volle oorgegee wees aan die lewende Christus van Wie hy nou bewus was, in sy aardse liggaam woning gemaak het. Hy het geskryf, “In Hom lewe ons, beweeg ons en is ons” (Handelinge 17:28).

Ons hoor deur die jare heen van komplotte maar daar is slegs een komplot waaroor ons hemelse Vader begaan is – ‘n plan direk op Christene gemik wat hulle harte daarop ingestel het om die volheid van Christus te betree. Hierdie komplot is bedoel om God se plan te verydel om ‘n leër van geheiligde mense op te rig – mans en vroue wat hulle volkome verbind het aan die heerskappy van Jesus in hulle lewens! Laat ons dit ‘n komplot van onderbrekings noem.

Die Ou Testament vertel ons van Jakob, ‘n bedrieglike, misleidende, konkelende, manipulerende, onderkruipende man – vir wie God baie lief was! Sy lewe is vol wonderlike lesse vir ons oor God se handelinge met die menslike natuur.

Soos die tyd van Christus se wederkoms nader kom, gaan die duiwel die sluise van die hel teen God se kinders oopmaak. Ons sien dit reeds gebeur binne die mure van die kerk, omdat Satan God se huis geïnfiltreer het met subtiele leuens en valse leerstellinge. Menigtes misleidings en ketterye versprei deur die kerk en Christene sonder onderskeidingsvermoë sluk dit alles.

Sommige gelowiges – selfs bedienaars – glo dat die Ou Testament nie relevant in ons tye is nie en dat dit dus nie meer nodig is om dit te bestudeer nie. Hoe verkeerd is hulle tog! Die Ou Testament verduidelik die Nuwe Testament in duidelike, eenvoudige terme. Die stories is vol tipes en skaduwees van ewige waarhede, wat afgespeel word in die praktiese lewens van regte mense.

Die apostel Paulus het ongelooflike dinge vir die saak van Christus gedoen. Hy het toesig gehou oor kerke deur die hele Asië en sommige gedeeltes van Europa terwyl hy ook gedien het as ‘n evangelis en apologeet. As ‘n ware kenner, het hy die saak vir Christus voor howe en konings verdedig.

Jesus het eenkeer gesê, “Die dief kom net om te steel en te slag en te verwoes. Ek het gekom, dat hulle lewe en oorvloed kan hê” (Johannes 10:10).

‘n Konflik, ‘n oorlog in die hemele woed en mense wat in goddeloosheid lewe, word onwetend pionne daarvan. Hulle harte is oop vir die duisternis en hulle begin hulle hande oplig teen dit wat hulle weet die naaste aan die hart van God is.

God praat met sy kinders deur sy Gees en Hy maak sy stem vir ons duidelik: “En jou ore sal ‘n woord agter jou hoor wat sê: Dit is die weg, wandel daarop! wanneer julle links of wanneer julle regs wil gaan” (Jesaja 30:21).

Jesus het in hierdie wêreld gekom om een rede – om verlore siele te bereik en te red. “Want die Seun van die mens het gekom om te soek en te red wat verlore was” (Lukas 19:10). En Hy het dit ook óns sending gemaak toe Hy gesê het, “Gaan die hele wêreld in en verkondig die evangelie aan die ganse mensdom” (Markus 16:15).