Die apostel Paulus sê vir ons dat ons deur God geroep is om ‘n wedloop te hardloop. Petrus verwys ook na hierdie resies as hy vir ons sê om die lendene van ons verstand te omgord (sien 1 Petrus 1:13). Hy sê ons moet onsself voorberei vir die kompetisie deur ons geloof en vertroue in die Here te versterk.
Jesus het eenkeer gesê, “Die dief kom net om te steel en te slag en te verwoes. Ek het gekom, dat hulle lewe en oorvloed kan hê” (Johannes 10:10).
Ek en jy kyk ook vandag ‘n dief in die oë – een wat gekom het om ons toekoms, ons families, ons blydskap, ons hoop en ons effektiwiteit op die aarde te steel. Jesus herinner ons egter dat Hy vir ons ‘n weg gemaak het om ‘n oorvloedige lewe te hê. En daarom moet ons verstaan dat ons die mag het om die vyand agter te laat.
God het aan Sy volk ‘n heerlike, onbegryplike rus beloof wat vrede en versekering vir die siel insluit. Die Here het hierdie wonderlike rus vir die kinders van Israel aangebied – ‘n lewe van blydskap en oorwinning, sonder vrees, skuld of veroordeling – maar tot by die tyd van Christus, het geen gelowige geslag ooit ten volle in hierdie geseënde belofte gelewe nie. Soos die Bybel dit baie duidelik maak, hulle het dit nooit ontvang nie, weens hulle ongeloof: “...dat hulle deur ongeloof nie kon ingaan nie” (Hebreërs 3:19).
Koning Dawid het met vrymoedigheid gesê, “Ek sal Hom nog loof – die verlossing van my aangesig” (Psalm 42:12). En hy herhaal dieselfde stelling in Psalm 43:5.
Jou aangesig is ‘n advertensiebord wat adverteer wat in jou hart aangaan. Al die blydskap of onrus wat binne-in jou is, word weerspieël op jou gelaat – jou gesigsuitdrukking, jou liggaamstaal en jou stemtoon. Byvoorbeeld, wanneer iemand se gedagtes oorlaai is met die sorge van ons lewe, sal die skouers dalk hang, die wenkbroue kan frons, die gesig kan afgetrokke lyk.
“En sonder geloof is dit onmoontlik om God te behaag; want hy wat tot God gaan, moet glo dat Hy is en ‘n beloner is van die wat Hom soek” (Hebreërs 11:6).
God se doel vir sy kinders is dat ons onsself aan die beheer en heerskappy van die Heilige Gees sal oorgee: “As ons deur die Gees lewe, laat ons ook deur die Gees wandel” (Galásiërs 5:25). Met ander woorde, “As Hy in jou lewe, laat Hy jou leiding gee!”
Die vroeë Christene het nie in verwarring gelewe nie, want hulle was deur die Gees gelei. Hulle het die Heilige Gees geraadpleeg en Hy het hulle gelei. Om in die Gees te lewe, beteken met ‘n duidelike doel en helder besluitneming.
“En Gídeon het gekom by die Jordaan, en hy en die driehonderd man wat by hom was, het oorgetrek, moeg en besig om te agtervolg” (Rigters 8:4).
Vir baie mense is dit moeilik om aan God te dink as ‘n liefdevolle Vader. Hulle kan nie anders as om God deur die oë van vorige belewenisse met ‘n goddelose pa of stiefpa te sien nie. Dit is alles so hartseer. Luister na hoe God Homself aan Moses beskryf het: “HERE, HERE, barmhartig en genadige God, lankmoedig en groot van goedertierendheid en trou, wat goedertierenheid bewaar vir duisende, wat ongeregtigheid en oortreding en sonde vergewe...” (Exodus 34:6-7).
Hoeveel Christene noem hulleself krygers maar was nog nooit getoets of opgelei nie? Ons hoor van die talle gebedskrygers in hierdie land. Maar die hartseer waarheid is dat die meeste van hulle nog nooit opgelei was nie – hulle is nie gereed om te veg nie. Talle ware gelowiges weier om teen die duiwel te stry of oorlog teen sy koninkryk te voer.
Elke ware gelowige van Jesus Christus sê hy wil die wil van God doen, maar die meeste Christene dink aan God se wil as iets wat op hulle afgedwing word – iets onsmaaklik en moeilik wat hulle gedwing word om te doen. Hulle dink God eis dat hulle toegee aan ‘n moeilike stel reëls en voorwaardes: “Doen dit op my manier, of jy is op jou eie!” Hoe verkeerd is hulle tog.