Vandag is ons samelewing gebroke. Ons het skole wat buite beheer is, verwarde leiers, bankstelsels wat in duie stort, wydverspreide werkloosheid, onhanteerbare sosiale programme en ‘n algehele ineenstorting van morele waardes. En om die kroon te span, kan die aarde op die randjie van ‘n kernbomkatastrofe wees. Kortliks, dinge lyk of dit buite beheer tol.

Hoe kan gelowiges ooit sterk en standvastig staan te midde van al die chaos? Die outeur van Hebreërs antwoord ons: Ons moet Jesus sien in alles wat in ons lewens gebeur (sien Hebreërs 2:9).

Min Christene twyfel dat Jesus hulle bron is, maar hulle het nie altyd die vertroue en versekerdheid dat Hy wel vir hulle sal gee wat hulle nodig het nie. Hier is ‘n paar wonderlike verse oor die Here se besorgdheid oor jou:

Hy ken al jou persoonlike behoeftes. “Want jul Vader weet wat julle nodig het voordat julle Hom vra” (Matthéüs 6:8).

As ons eerlik is, sal ons erken dat ons dikwels ons vertroue in ander plaas tydens ons groot uur van beproewing. Ons kyk na pastore, beraders, vriende en huweliksmaats vir antwoorde. Ons bring ure, dae en weke deur om te probeer dink hoe om ons probleem op te los. En as ons oplossing nie vinnig genoeg kom nie, hou ons aan om te manipuleer, uit alle hoeke uit, totdat al ons menslike hulpbronne uitgeput is.

Diep wanhoop en angs kan kom teen Jesus vanaf diegene vir wie Hy die meeste omgee.

Maria en Martha het hulle geloofsvertroue verloor nadat hulle broer, Lasarus, siek geword en gesterf het (sien Johannes 11:20-21). Jaïrus se huishouding het ook hulle geloofsvertroue verloor. Hulle het almal Jesus beskuldig dat Hy te laat en harteloos was (sien Markus 5:35).

As jy die krag van God in jou lewe nodig het, het Jesus ‘n spesiale woord vir jou. Net voor Hy opgevaar het na die hemel, het Christus geweet sy dissipels het krag nodig gehad om die werke van sy koninkryk op aarde te doen. Daarom het Hy hulle beveel, “En kyk, Ek stuur die belofte van my Vader op julle. Maar julle moet in die stad Jerusalem bly totdat julle toegerus is met krag uit die hoogte” (Lukas 24:49-50).

In Genesis lees ons die storie van Jakob se vrou, Ragel, en haar desperate begeerte om ‘n kind te hê. Sy kon nie langer die gedagte hanteer om te lewe sonder om die vreugde daarvan te ken om ‘n kind van haar eie te baar nie, sonder om alles te beleef wat bedoel was vir haar as vrou nie. In die Joodse kultuur was daar na ‘n vrou sonder kinders gekyk met minagting, as ‘n onvolmaakte mens. Ragel se pyn was ondraaglik, en sy het uitgeroep na Jakob, “Gee vir my seuns, anders sterf ek!” (Genesis 30:1).

Ons is goed bekend met die verhaal van die bedroefde vader wat na Jesus gekom vir die genesing van sy sterwende dogter. “En daar kom een van die owerstes van die sinagoge met die naam van Jaïrus; en toe hy Hom sien, val hy aan sy voete neer en smeek Hom dringend en sê: My dogtertjie is op haar uiterste; kom lê haar die hande op, sodat sy gesond kan word, en sy sal lewe. En Hy het saam met hom gegaan. En ‘n groot menigte het Hom gevolg en Hom verdring” (Markus 5:22-24).

Die Skrif sê dat ons voorsien word van dieselfde energieke, opstandingslewe wat in Christus is: “En as die Gees van Hom wat Jesus uit die dode opgewek het, in julle woon, dan sal Hy wat Christus uit die dode opgewek het, ook julle sterflike liggame lewend maak deur sy Gees wat in julle woon” (Romeine 8:11). Hy vul ons sterflike liggame fisies met krag deur die energie van God.

Ons almal het ‘n geheime begraafplaas in ons lewens. Ek praat van iemand of iets waarmee ons lankal moed verloor het. Ons het dit begrawe, ‘n grafsteen daaroor gesit en die sterfdatum daarop neergeskryf.

Ek dink aan ‘n geliefde kennis wat vir my en my vrou vertel het dat sy na haar kinders se gradeplegtigheid toe gegaan het. Hierdie vrou se man het haar jare tevore vir ‘n ander vrou verlaat. By die gradeplegtigheid, het hy en sy nuwe vrou, saam met sy hele familie opgedaag.

Die apostel Paulus het vir die kerk by Éfese gebid, “Sodat julle kan weet...wat die uitnemende grootheid van sy krag is vir ons wat glo, na die werking van die krag van sy sterkte” (Efésiërs 1:18-19).  Paulus het in wese gesê, “Mag God nie net Christus se vorige grootheid aan julle openbaar nie, maar ook sy huidige grootheid.”

Die kerk het groot eerbied vir die Jesus wat op die aarde gewandel het – die Galiliër, die seun van Maria, die Meester en wonderwerker. Ons word nooit moeg om van die grootheid van Jesus Christus van Nasaret te hoor en te vertel nie.