Paulus het sy geloof behou deur goeie en slegte tye, In sy laaste dae, kon Paulus roem, “Ek het die goeie stryd gestry, ek het die wedloop voleindig, ek het die geloof behou” (2 Timótheüs 4:7). Dink aan Paulus se getuienis op daardie oomblik. Hy kon sê, “Satan het sy boodskappers gestuur om teen my te veg in Jerusalem, Damaskus, Asië, Éfese en Korinte. Maar ek het die geloof behou.

“Hy het my probeer sink in die stormgeteisterde Mediterreense see. Drie keer het ek skipbreuk gely, rondgedryf op die diepsee vir ‘n nag en ‘n dag. Maar ek het die geloof behou.

Jou aanhoudende beproewing mag fisieke lyding, werkloosheid, kinders wat rebelleer, ongelowige vriende, geestelike angs, onrus of pyn insluit. Terwyl jy dit dag vir dag verduur, sal Satan in jou oor fluister net soos hy met Job gedoen het, ”Die regverdige ly nie. As God jou gehoor het – as Hy jou salig gemaak het en sy beloftes waar is – dan sou jy dadelik gered geword het. Waar is jou God? Is dit wat jou geloof jou bied?”

Sommige van julle wat hierdie boodskap lees, is in die storm van julle lewens.

“Werp dan julle vrymoedigheid, wat ‘n groot beloning het, nie weg nie" (Hebrews 10:35). As jy 'n Christen is, is jy in 'n kwaai oorlog. Trouens, jy is in 'n lewe-en-dood stryd om jou geloof. Satan is daarop uit om die geloof van al God se uitverkorenes te laat skipbreuk ly en te vernietig. En hoe sterker jou geloof is, hoe groter sal sy aanslag daarteen wees.

^“Nogtans het julle goed gedoen toe julle deel gehad het in my verdrukking. En  . . . toe ek van Macedónië vertrek het, geen gemeente deel gehad het in my rekening van uitgawe en inkomste nie, behalwe julle alleen. Want ook in Thessalonika het julle vir my behoefte meer as een maal iets gestuur. Nie dat ek die gawe soek nie, maar ek soek die vrug wat oorvloedig word op julle rekening . . . En my God sal elke behoefte van julle vervul na sy rykdom in heerlikheid deur Christus Jesus” (Philippians 4:14-20).

Die Bybel waarsku baie duidelik, “Vandag, as julle sy stem hoor, moet julle nie hardkoppig wees nie, soos julle voorvaders toe hulle in opstand gekom het” (Hebreërs 3:7-8). Met ander woorde, moenie soos Israel eens in ongeloof gevra het, “Kan God hier in die woestyn kos gee? (sien Psalm 78:19) nie.

So, wil jy ‘n man of vrou van God wees? Indien wel, sal jy ‘n lydingsbeker ontvang. Jy sal ween oor iets baier erger as fisieke pyn. Ek praat van die pyn van om seergemaak en verwerp te word deur vriende; die pyn van ouers wanneer hulle kinders hulle harte vertrap en vreemdelinge vir hulle word; die pyn tussen ‘n man en vrou wanneer mure tussen hulle gebou word.

O, die onrus wat kom, die rustelose, slapelose nagte – jy weet dat God werklik is, dat jy in sy Gees wandel, dat jy Jesus liefhet met alles wat in jou binneste is, maar tog word jy gedwing om ‘n beker van lyding te drink.

Ek het al baie biografieë gelees van sendelinge, wat wissel tussen hedendaagse tye tot die antieke geskiedenis. ‘n Mens sou dink dat hierdie kosbare mense, wat so magtig deur God gebruik is, stories van voortdurende liefde, krag en blydskap sou hê. Dit is egter nie so nie. Hulle stories word gekenmerk deur hartseer, moedeloosheid en selfs verraad – stories, nie van avontuur nie, maar van trane.

Ek staan verwonderd oor die Here se liefdevolle reaksie op hartseer. Soos ek deur die Bybel lees, sien ek dat niks ons God se medelye meer opwek as die siel wat deur hartseer oorweldig word nie.

Hartseer word gedefinieer as “diepe smart” of “droefheid veroorsaak deur uiterste ellende.” Jesaja sê vir ons dat die Here self bekend is met hierdie mees hartverskeurende emosie: “Hy was verag en deur die mense gehaat, ‘n man van smarte en bekend met krankheid” (Jesaja 53:3).

Paulus sê daar kom ‘n tyd dat wanneer ons “alles volbring het, [ons] staande kan bly” (Efésiërs 6:13). Ons staan op God se Woord – ten spyte van alle pyn en hartseer, ten spyte van alle swakheid van die vlees. In die Woord van God lees ons van twee mens wat vasbeslote was, “Ek moet net die soom van sy kleed aanraak.” (Die verhaal van die owerste van die sinagoge en die vrou wat aan bloedvloeiing gely het vir twaalf jaar jaar word gevind in Markus 5:22-43.)