Body

Afrikaans Devotionals

Dra Vrug Wat Bly

David Wilkerson (1931-2011)

Jesus het gesê, “Ek is die ware wynstok, en my Vader is die landbouer. Elke loot wat in My nie vrug dra nie, neem Hy weg; en elke loot wat vrug dra, dié maak Hy skoon, sodat dit meer vrug kan dra...As iemand in My nie bly nie, word hy uitgewerp soos die loot verdroog, en hulle maak dit bymekaar en gooi dit in die vuur, en dit verbrand” (Johannes 15:1-2,6).

‘n Lewe van Godsaligheid en Dankbaarheid

David Wilkerson (1931-2011)

“Wees altyddeur bly. Bid sonder ophou” (1 Thessalonicense 5:16-17). God se kinders behoort dit ‘n saak van gewete te maak om hulle te verbly in Hom te alle tye en in alle omstandighede. Om blydskap te hê, is nie ons keuse nie; dit is God se gebod! As ons hierdie woorde hanteer asof dit ‘n keuse is, ondermyn ons God se imperatief vir ons.

Totdat God ons blydskap het, het Hy regtig nie ons hart nie. Daar is drie stappe wat ons sal help om ‘n stand van blydskap in ons Saligmaker te help handhaaf:

Is Jy ‘n Gereelde by die Here se Tafel?

David Wilkerson (1931-2011)

Dawid het van sy Here gesê, “U berei die tafel voor my aangesig teenoor my teëstanders” (Psalm 23:5). Jesus het gesê, “En Ek beskik vir julle ‘n koninkryk soos my Vader dit vir My beskik het, sodat julle kan eet en drink aan my tafel in my koninkryk” (Lukas 22:29,30).

Die een ding wat ons Here bo alles verlang van Sy dienaars, bedienaars en herders, is gemeenskap by sy tafel. Eenheid rondom Sy hemelse tafel – ‘n plek en tyd vir intimiteit en ‘n voortdurende kom na Hom toe vir kos, krag, wysheid en gemeenskap.

Die Natuurlike Byproduk van ‘n Veranderde Hart

Gary Wilkerson

“En daar het ’n sekere wetgeleerde opgestaan wat Hom versoek het deur te sê: Meester, wat moet ek doen om die ewige lewe te beërwe?” (Lukas 10:25). Die skrifgeleerdes en Fariseërs het Jesus gekonfronteer en sy gesag uitgedaag op vele geleenthede maar nou het ‘n wetgeleerde hom genader, miskien iemand wat deur hulle gestuur was. Wetgeleerdes is goed opgelei in die kuns van debatvoering en ongetwyfeld was hierdie een goed opgelei in die wette van die Ou Verbond.

Herlewing in Jou Huis

David Wilkerson (1931-2011)

Die fondamente van Christelike huise word geskud, ‘n direkte gevolg van die morele en geestelike verval in ons samelewing. In die boek Handelinge lees ons van die glorieryke wonderwerk in die huishouding van Cornelius – ‘n verandering wat net gekom het omdat een man vasberade was om toe te sien dat sy gesin gered word.

Glo Jy in God se Voorsiening?

David Wilkerson (1931-2011)

Daar is kere wanneer dit lyk asof God niks doen nie – wanneer sy kinders beskaamd en in wanhoop gelaat word – maar die volle storie word nie vertel nie. Dwarsdeur die Bybel het Hy mense gehad wie se rotvaste geloof sy getrouheid bewys het in die moeilikste van tye. Hierdie dienaars het onbeskaamd by die Here aangedring om vir hulle op te tree.

Moenie Dit Wat Jy Sien Vrees Nie

David Wilkerson (1931-2011)

“Want die arms van die goddelose sal verbreek word, maar die HERE ondersteun die regverdige ... Hulle sal nie beskaamd staan in die slegte tyd nie” (Psalm 37:17,19). Hierdie wonderlike profesie aan God se kinders is besig om voor ons oë vervul te word. Psalm 37 sê vir ons dat die Here opstaan om op te tree teen samelewings wie se sondes die hemele ontstel het. Dieselfde Psalm is egter ook een van groot hoop en bevat ‘n ontsaglike belofte vir diegene wat hulle vertroue ten volle in die Here plaas.

‘n Hongersnood van die Siel

David Wilkerson (1931-2011)

Daar is ‘n verskriklike hongersnood in die land vandag. Nie ‘n hongersnood van kos nie maar een van menslike nood. Menigtes mense smag na liefde en toenadering; na vrede en tevredenheid; na doel en vervulling. Die woord hongersnood beteken eintlik “uiterste skaarste, onversadigbare honger, enige soort hongersnood.” Dit som die leegheid baie goed op wat so baie mense beleef in hierdie laaste dae.

Pad na Oorwinning

Gary Wilkerson

“Dat julle nie meer moet wandel soos die ander heidene ... nie ... julle het Christus ... leer ken ... en [is] in Hom onderrig ... dat julle, wat die vorige lewenswandel betref, die oue mens moet aflê wat deur die begeerlikhede van die verleiding te gronde gaan ... en julle met die nuwe mens moet beklee wat na God geskape is in ware geregtigheid en heiligheid” (Efésiërs 4:17, 20-24).