“Ná hierdie dinge het die woord van die HERE tot Abram gekom” (Genesis 15:1, AFR53). Hierdie vers beteken basies dat nadat Abram beangs rondgekyk het na die vyande rondom hom, nadat hy moedeloos gevoel het omdat hy geen vordering gemaak het nie, het die Woord van die Here na hom gekom.

A. W. Tozer het gesê dat elke probleem wat ons beleef eintlik 'n teologiese probleem is. Vreemd, is dit nie? ‘n Mens sou dink dit sou 'n sielkundige, emosionele of fisiese probleem wees. Ek stem egter saam met Tozer; die kern van die meeste van ons probleme is teologies.

Toe Afro-Amerikaanse en vooruitdenkende wit pastore in Alabama regstreeks na die dienste vanaf Times Square Church gekyk het, was hulle verstom om te sien hoe meer as honderd etnisiteite saam aanbid in vrede en Christelike liefde. Een kyk na ons koor bevestig dit. Die pastore van Alabama het dus die Times Square Church gekontak en my gevra om in Selma te kom praat en ons multinasionale koor saam te bring.

Die grootste kenmerk van ware, reddende geloof is 'n begeerte om nader aan Hom te kom. “Want Christus het ook een maal vir die sondes gely, Hy die Regverdige vir die onregverdiges, om ons tot God te bring – Hy wat wel gedood is na die vlees, maar lewend gemaak is deur die Gees” (1 Petrus 3:18, AFR53). 

Paulus het nie van geloof gepraat voordat hy alle vertroue in sy vlees verloor het nie. Hy het sy hele opvoeding, al sy selfvertroue, vermoëns, leerstellings en ywer geneem en dit eenkant toe geskuif. Hy het eers van geloof gepraat nadat hy gesê het: “Ek kan nie op my vlees vertrou nie”. Dieselfde geld vir ons.

Voordat iemand waarlik kan glo, moet hy besef hoe verlore, hulpeloos en totaal hopeloos hy is. Ons het nie reddende geloof totdat ons ophou om te glo dat iemand of iets anders as Jesus ons kan red nie.

Laat ek jou die hart van die ware genadeboodskap gee: Dit is nie 'n permissiewe evangelie nie maar een wat heiligheid leer! 

My vriend, Eric, het 'n baie moeilike kinderlewe gehad. Sy pa het herhaaldelik vir hom gesê: "Jy is ‘n nikswerd en jy sal nooit iets word nie".

Soos Eric ouer geword het, het hy hom tot dwelms gewend. "Ek was 'n slegte verslaafde", sê hy. “Ek het allerhande goed gemeng wat my kon doodgemaak het. Ek was selfs sleg daarmee om 'n verslaafde te wees. My naald sou breek, of ek sou nie genoeg kontant hê om my gewoonte te voed nie. Ek het soos ’n totale mislukking gevoel”.

As ons nie waaksaam is nie, kan ons leer om saam te leef met dinge wat nie goed vir ons is nie. Dit kan selfs 'n patroon van sonde wees waarmee ons al 10 of 15 jaar saamgeleef het. 

Ons sê vir onsself: "Dit is net hoe dit is". Ons kan moontlik vasgevang wees in 'n gebrek aan ywerige honger na God se Woord, 'n gebrek aan passie vir die dinge van God, 'n dood in ons harte. Ons kan van daardie dinge af wegstap.

Dit is nie genoeg vir Jesus om jou hart te wen nie. Hy moet die bevrediging van jou hart wees!

Daar is baie gelowiges wat nog nooit met Jesus tevrede was nie. Hulle is op of af volgens hul omstandighede. Dit is nie 'n geskikte bruid vir hierdie bruidegom nie. Nee, 'n sekere skoonheid moet sy bruid versier om Hom aan te trek: “..die koning u skoonheid begeer” (Psalm 45:12, AFR53). Wat is hierdie skoonheid? 

Miskien onthou jy Efese in die Nuwe Testament; dit was een van die grootste kerke van daardie tyd. Dit het alles begin toe Apollos vir 12 mense gepreek het, waarna die apostel Paulus ook daarheen gekom het. Daar was 'n beweging van die Heilige Gees en toe het 12 in dosyne verander, toe honderde en toe duisende. Die geskiedenis vertel ons dat daar binne 'n paar dekades ongeveer 60 000 Christene in Efese was.